सहारा यूकेका निवर्तमान अध्यक्ष गुरुङद्वारा फुटबल एकेडेमीको अवलोकन

मातृभूमि नेपाल

Home
मातृभूमि नेपाल
सहारा यूकेका निवर्तमान अध्यक्ष गुरुङद्वारा फुटबल एकेडेमीको अवलोकन

सहारा यूकेका निवर्तमान अध्यक्ष गुरुङद्वारा फुटबल एकेडेमीको अवलोकन

गोर्खा मिडिया संवाददाता शनिबार, असोज १२, २०८१

पोखरा । सहारा यूकेका निवर्तमान अध्यक्ष ले.रि कुसाङ गुरुङ र उनकी श्रीमती पञ्च गुरुङले सहारा फुटबल एकेडेमीको अवलोकन गरेका छन् ।

अन्तर्राष्ट्रिय धावकसमेत रहेका गुरुङले १२ असोजका दिन एकेडेमीको अवलोकनसहित सरोकारवालासँग छलफल गरेका थिए ।

461343977_1058462642952159_5660677990223684283_n-1727537754.jpg
सो अवसरमा सहारा पोखराका मानार्थ सदस्य मुछेत्र गुरुङ र उनकी श्रीमती लक्ष्मी गुरुङ, रामबजार सोसाइटी यूकेका पूर्वअध्यक्ष राम गुरुङ, अशोक गुरुङ, सहारा हङकङका सल्लाहकार गंगा गुरुङलगायतको उपस्थिति थियो ।

उनीहरूलाई सहारा क्लब पोखराका अध्यक्ष केशवराज बरालले खादा र पुष्पगुच्छाले स्वागत गरेका थिए । पूर्वअध्यक्षहरू विक्रम थकाली, वीरभद्र आचार्य, केशवबहादुर थापा, सहारा क्लब पोखरा र सहारा एकेडेमी व्यवस्थापन समितिका पदाधिकारी एवं सदस्यको उपस्थितिमा संयुक्त बैठक गरी दुवैतर्फका गतिविधि आदानप्रदान गरिएको थियो ।

461426042_1058462569618833_8015575086359287463_n-1727537863.jpg
वरिष्ठ उपाध्यक्ष एवं एकेडेमी संयोजक पूर्णबहादुर गुरुङले एकेडेमीबारे जानकारी गराए । अध्यक्ष केशवराज बरालले उठेका जिज्ञासाको जवाफसहित धन्यवाद मन्तव्य राखेका थिए । भेटघाटसँगै बालकहरूसँग संयुक्त रूपमा खानपान गरिएको थियो । यसको सौजन्य पनि ले.रि कुसाङ गुरुङले गरेका थिए ।