पोखरा । तमु सांस्कृतिक प्रतिष्ठान नेपालले शनिबार लमजुङ र गोरखामा तमु विद्यार्थीलाई छात्रवृत्ति वितरण गरेको छ ।
संस्थाका द्वितीय उपाध्यक्ष डमरबहादुर तमुको नेतृत्वमा सचिव कन्चन तमु, कोषाध्यक्ष श्यामबहादुर तमु, विद्यार्थी समितिका सदस्य तारा तमु र कार्यालय सचिव गंगामाया तमुको टोलीले लमजुङको बेँसीशहरस्थित तमु संग्रहालयको सभाहलमा १६ जना विद्यार्थीलाई छात्रवृत्ति प्रदान गरेको छ ।
तमु प्ये ल्हु संघ क्ल्हेप्री समितिका केन्द्रीय अध्यक्ष सन्तोष टु तमुले समुदायमा सह्रानीय कार्य गरेको यस तमु सांस्कृतिक प्रतिष्ठान नेपालको कार्यलाई लमजुङका सम्पूर्ण संघसंस्था र समाजले महत्त्व दिनुपर्नेमा जोड दिए ।
कार्यक्रममा तमु ह्युल छोंज धीं गुरुङ राष्ट्रिय परिषद् लमजुङका अध्यक्ष जीवराज घले, क्होलासोंथर-२ का पूर्व वडाध्यक्ष बुद्धिप्रसाद तमु, बाल कल्याण मा.वि. दारिमबोटका छात्र विवेक तमु र छात्रा मेलिना घलेले मन्तव्य राखेका थिए ।
यस शैक्षिकसत्र सत्रमा कक्षा ८-१२ सम्म छात्रवृत्ति प्राप्त १८७ जना मध्ये २८ जना र कक्षा ९ मा यस वर्ष छनोटमा परेका ८४ मध्ये १२ जना विद्यार्थी लमजुङका छन् । लमजुङका १० जना विद्यार्थीलाई असोज ३ गते पोखरामा आयोजित कार्यक्रममा छात्रवृत्ति वितरण गरिएको थियो ।
संस्थाका द्वितीय उपाध्यक्ष डमरबहादुर तमुको अध्यक्षतामा सम्पन्न कार्यक्रममा स्वागत मन्तव्य कोषाध्यक्ष श्यामबहादुर तमु र कार्यक्रम सञ्चालन सचिव कन्चन तमुले गरेका थिए ।
त्यस्तै गरी तमु ह्युल छोंज धीं गुरुङ राष्ट्रिय परिषद् गोरखाको व्यवस्थापनमा आयोजित छात्रवृत्ति वितरण कार्यक्रमका लागि निवर्तमान अध्यक्ष चिजकाजी तमुको नेतृत्वमा प्रथम उपाध्यक्ष श्रीजङ तमु, सदस्य द्वय लक्ष्मी तमु र लोकबहादुर तमु तथा विद्यार्थी समितिको कोषाध्यक्ष पन्चकुमारी तमुको समूह खटिएको थियो ।
कार्यक्रममा तमु ह्युल छोंज धीं गुरुङ राष्ट्रिय परिषद् गोरखाका अध्यक्ष राम तमु, विद्यार्थी पन्चकुमारी तमु, आहाल भन्ज्याङ मा.वि. सिरानचोकमा कक्षा १० मा अध्ययनरत छात्रा जेनिसा तमुले आफ्ना भनाइ राखेका थिए ।
जम्मा विद्यार्थीमध्ये २० जना र यस वर्षको नयाँ छनोट भएका १३ गरी ३३ जनालाई छात्रवृत्ति वितरण गरिएको छ । कार्यक्रममा परिषद्का कार्यसमितिका पदाधिकारी तथा सदस्य, नेपाल विद्यार्थी समितिका अध्यक्ष मनोज तमु, तमुस्यो जागृति महिला समिति अध्यक्ष हिमला तमु लगायत शिक्षक, अभिभावक र विद्यार्थीको बाक्लो उपस्थिति थियो ।
संस्थाका निवर्तमान अध्यक्ष चिजकाजी तमुको अध्यक्षतामा सम्पन्न यस कार्यक्रम सदस्य लोकबहादुर तमुले सञ्चालन गरेका थिए । प्रथम उपाध्यक्ष श्रीजङ तमुले स्वागत मन्तव्य दिएका थिए । पहिलो चरण पोखरामा ५ जिल्लाका लागि असोज ३ गरे वितरण गरिसकेको र यो दोस्रो चरणको कार्यक्रम रहेको जानकारी सचिव कन्चन तमुले बताए ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
