तमु धीं लन्डन इकाई आमा समूहको तिज कार्यक्रम शनिबार

कर्मभूमि बेलायत

Home
कर्मभूमि बेलायत
तमु धीं लन्डन इकाई आमा समूहको तिज कार्यक्रम शनिबार

तमु धीं लन्डन इकाई आमा समूहको तिज कार्यक्रम शनिबार

गोर्खा मिडिया संवाददाता शुक्रबार, भदौ २१, २०८१

लन्डन । तमु धीं लन्डन इकाई आमा समूहको आयोजनामा शनिबार हरितालिका तिज कार्यक्रम हुँदै छ । लन्डन सडबरी हिल स्पोर्टस् क्लबको हलमा हुने कार्यक्रमको तयारी पूरा भएको छ ।

बेलायतमा रहे पनि हरितालिका तिजको पौराणिक सम्बन्ध, संस्कार तथा परम्परालाई पछ्याउँदै आइरहेको तमु धीं लन्डन इकाईले भव्य रूपमा तिज मनाउने तयारी गरेको हो ।

कार्यक्रममा विभिन्न सामाजिक काम कार्यमा अग्रसर रहेर संस्थाको नेतृत्वमा अगाडी बढिरहेका दिदीबहिनीलाई सम्मान गर्ने योजना छ । जसले भावी दिनमा नयाँ पुस्तालाई हौसला बढ्ने र जहाँ रहे पनि नेपाली परम्परा संस्कृतिलाई भुल्न नहुने भावनाको विकास हुने समूहका अध्यक्ष देवकला गुरुङले जनाएकी छन् ।

कार्यक्रम संयोजक दुर्गा गुरुङ र आमा समूह सचिव विद्या गुरुङको संयोजकत्वमा निमन्त्रण र तयारी चुस्त बनाइएको छ । नेपालकी उदीयमान गायिका उषा गुरुङको पनि प्रस्तुति रहनेछ । कार्यक्रममा बेलायतवासी नेपाली दिदीबहिनीलाई उपस्थितिको लागि संस्थाले अनुरोध गरेको छ ।

प्रकाशित मिति: शुक्रबार, भदौ २१, २०८१ २२:११

प्रतिक्रिया दिनुहोस्