लन्डनस्थित नेपाली दूतावासले भन्यो- ‘दूतावासमा कसैलाई प्रवेश निषेध गरिएको छैन’

कर्मभूमि बेलायत

Home
कर्मभूमि बेलायत
लन्डनस्थित नेपाली दूतावासले भन्यो- ‘दूतावासमा कसैलाई प्रवेश निषेध गरिएको छैन’

लन्डनस्थित नेपाली दूतावासले भन्यो- ‘दूतावासमा कसैलाई प्रवेश निषेध गरिएको छैन’

गोर्खा मिडिया संवाददाता बुधबार, भदौ १२, २०८१

लन्डन । लन्डनस्थित नेपाली दूतावासले कसैलाई पनि प्रवेश निषेध नगरिएको स्पष्ट पारेको छ । बुधबार एक विज्ञप्ति जारी गर्दै दूतावासले भ्रामक समाचारको विश्वास नगर्न आग्रह गरेको हो ।

‘केही दिनयता सामाजिक सञ्जालमा राजदूतावासमा प्रवेश निषेध गरिएको भन्दै गरिएको भ्रामक प्रचारप्रति यस राजदूतावासको गम्भीर ध्यानाकर्षण भएको छ,’ दूतावासले भनेको छ, ‘राजदूतावास बेलायतवासी सम्पूर्ण नेपालीहरूको साझा घर भएको र कसैलाई प्रवेश निषेध नगरिएको स्पष्ट गर्दै यस्तो भ्रामक समाचारलाई विश्वास नगर्नुहुन सम्पूर्णमा अनुरोध गर्दछौँ ।’

लन्डन दूतावास नेपालको सबैभन्दा पुरानो राजदूतावासको रूपमा रहेको र नेपाल-बेलायत सम्बन्ध सुदृढ गर्ने तथा बेलायतमा रहेका नेपालीको हित संरक्षण तथा प्रवर्द्धनका लागि सदैव कार्य गरिरहेको विज्ञप्तिमा उल्लेख छ ।

नेपाल-बेलायत द्विपक्षीय सम्बन्धमा ब्रिटिस गोर्खाहरूको योगदानलाई नेपाल सरकार तथा राजदूतावासले उच्च सम्मान प्रकट गर्दै आएकोसमेत जनाइएको छ । सीमित श्रोत र साधनका बाबजुद बेलायतमा बढ्दै गएको नेपाली समुदायलाई सरल र सहज रूपमा कन्सुलर सेवा प्रदान गर्न कटिबद्ध रहेको पनि दूतावासले स्पष्ट पारेको छ ।

457118550_1845079215899429_1015392156631628605_n-1724846902.jpg