काठमाडौं । गोर्खाली रेडियो कास्कीकी सञ्चालक एवं स्टेशन म्यानेजर खिमा गुरुङ 'फोनिज राष्ट्रिय पत्रकारिता पुरस्कार-२०८१' बाट पुरस्कृत भएकी छन् ।
नेपाल आदिवासी जनजाती पत्रकार महासंघ (फोनिज) ले आफ्नो रजत वर्षको अवसरमा आइतबार काठमाडौंमा आयोजित समारोहमा सञ्चारकर्मी खिमासहित ८ जना पुरस्कृत भएका हुन् । खिमालाई प्रमुख अतिथि सञ्चार तथा सूचना प्रविधिमन्त्री पृथ्वीसुब्बा गुरुङ, फोनिज अध्यक्ष गजुरधन राईलगायतले प्रमाणपत्र, नगदसहित पुरस्कृत गरे । पुरस्कारको राशि २० हजार रुपैयाँ रहेको छ ।
फोनिज राष्ट्रिय पत्रकारिता पुरस्कारबाट सटेन्द्र जबेगु (अनलाईन) ईलाम, विष्णु तामाङ (छापा) काठमाडौं पुरस्कृत भए । उनीहरुले पनि नगद २० हजार र प्रमाणपत्र प्राप्त गरे ।
यस वर्ष फोनिज राष्ट्रिय पत्रकारिता सम्मान-२०८१ बाट भने विजयराज तुलाधर, पुष्पहरि क्याम्पा राई र लौव अग्रासन (थारु) पुरस्कृत भएकाछ ।
फोनिज मलेसिया सम्मान २०८१ बाट रेखीराम रानामगर र पुनम महतो चौधरीलाई पुरस्कृत गरिएको छ ।
फोनिजले आफ्नो स्थापना दिवस (साउन २७)मा हरेक वर्ष सम्मान तथा पुरस्कार प्रदान गर्दै आएको छ । यस वर्ष फोनिज स्थापनाको २५ वर्ष पूरा गरी २६ वर्ष प्रवेश गरेको अवसरमा स्थापना दिवस तथा रजत वर्ष समारोहमा पुरस्कार तथा सम्मान प्रदान गरेको हो ।
समारोहमा सम्बोधन गर्दै सञ्चार तथा सूचना प्रविधिमन्त्री पृथ्वीसुब्बा गुरुङले संविधानको व्यवस्थालाई आदिवासी जनजातीले प्रयोग गर्न नजानेको बताएका छन् । कतिपय स्थानमा विशेषाधिकार दिएको भन्दै उनले प्रयोग गर्न आग्रह गरे । अन्य मुलुकको तुलनामा नेपालका आदिवासी जनजातीले अग्राधिकार पाएको भन्दै यसलाई सदुपयोग गर्न पनि उनले आग्रह गरे ।
फोनिजका अध्यक्ष गजुरधन राईले संविधानले नै समावेशी सिद्धान्त अंगीकार गरे पनि आदिवासी जनजाती समुदायका पत्रकारले अझै संघर्ष गर्नुपरेको बताए । उनले पत्रकार महासंघको सदस्यता लिनबाट समेत बञ्चित हुनुपरेको उल्लेख गरे ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
