पोखरामा तमु युवाका लागि उद्घोषण तालिम, ३५ जनाको सहभागिता

मातृभूमि नेपाल

Home
मातृभूमि नेपाल
पोखरामा तमु युवाका लागि उद्घोषण तालिम, ३५ जनाको सहभागिता

पोखरामा तमु युवाका लागि उद्घोषण तालिम, ३५ जनाको सहभागिता

गोर्खा मिडिया संवाददाता बिहीबार, साउन १७, २०८१

पोखरा । तमु धीं नेपाल केन्द्रीय युवा समितिले युवाहरूको क्षमता एवं नेतृत्व विकासका लागि उद्घोषण तालिम सुरु गरेको छ ।

तीन दिन सञ्चालन हुने तालिमको उद्घाटन गर्दै प्रमुख अतिथि तमु धीं नेपालका अध्यक्ष हुमबहादुर गुरुङले युवा समितिमा आबद्ध तमु युवाहरूलाई व्यवस्थित रूपमा संगठन सञ्चालन तथा व्यक्तित्व विकासका लागि तालिम फलदायी हुने बताए । विभिन्न कार्यक्रममा बोल्ने कला एवं सफल नेतृत्वका लागि क्षमता अभिवृद्धि गर्न उद्घोषण तालिमले सघाउने उनको भनाइ थियो ।

तालिमको पहिलो दिन गोर्खाली रेडियोकी स्टेसन मेनेजर खिमा गुरुङले माइकको प्रयोग, उद्घोषण, उद्घोषकला, कार्यक्रम तयारी र प्रस्तुतिबारे प्रशिक्षित गराइन् । ३५ जना युवाको सहभागिता रहेको तालिममा सचिव गायक रामप्रसाद गुरुङले गायन प्रस्तुतिबाट सबैलाई नचाएका थिए ।

दोस्रो दिन अध्यक्ष गुरुङ र तेस्रो दिन एभरेस्ट मिडियाका प्रमुख कार्यकारी अधिकृत तथा वरिष्ठ सञ्चारकर्मी दीपेन्द्र श्रेष्ठले प्रशिक्षण दिने तमु धीं नेपाल केन्द्रीय युवा समितिका अध्यक्ष रमेश गुरुङले जानकारी दिए ।

युवा समितिका अध्यक्ष रमेश गुरुङको अध्यक्षतामा भएको तालिम उद्घाटन कार्यक्रमको सञ्चालन सचिव रामप्रसाद गुरुङले गरेका थिए ।

प्रकाशित मिति: बिहीबार, साउन १७, २०८१ २०:०२

प्रतिक्रिया दिनुहोस्