नानुमाया गुरुङले गरिन् माउन्ट केटुको सफल आरोहण

मातृभूमि नेपाल

Home
मातृभूमि नेपाल
नानुमाया गुरुङले गरिन् माउन्ट केटुको सफल आरोहण

नानुमाया गुरुङले गरिन् माउन्ट केटुको सफल आरोहण

गोर्खा मिडिया संवाददाता बुधबार, साउन १६, २०८१

फाइल फोटो: नानुमायाको फेसबुकबाट।

लन्डन । चर्चित पर्वतारोही नानुमाया गुरुङले पाकिस्तानमा रहेको विश्वको दोस्रो अग्लो हिमाल माउन्ट केटुको सफल आरोहण गरेकी छन् ।

गोरखाको धार्चे गाउँपालिका-५ गुम्दाकी नानुमायाले २८ जुलाई बिहान १० बजे केटुको चुचुरोमा पाइला राख्न सफल भएकी हुन् । केटुको शिखरमा नेपालको झण्डा फहराएर आफू सुरक्षित रूपमा आधार शिविर आइपुगेको उनले मंगलबार सामाजिक सञ्जाल फेसबुकमार्फत जानकारी दिएकी छन् । आगामी ६ अगस्टमा काठमाडौँ पुग्ने उनले लेखेकी छन् ।

पर्वतारोहणका लागि निकै अप्ठ्यारो मानिने माउन्ट केटुको उचाइ ८६११ मिटर रहेको छ । गोरखा जिल्लाकै पहिलो महिला सगरमाथा आरोही नानुमाया गत १९ जुनमा काठमाडौँबाट पाकिस्तान प्रस्थान गरेकी थिइन् ।

यस्तै, उनले मनासलु र ल्होत्से हिमालको पनि सफल आरोहण गरिसकेकी छन् ।

प्रकाशित मिति: बुधबार, साउन १६, २०८१ १६:१५

प्रतिक्रिया दिनुहोस्