केपी शर्मा ओली नेपालको प्रधानमन्त्री नियुक्त, सोमबार शपथ

मातृभूमि नेपाल

Home
मातृभूमि नेपाल
केपी शर्मा ओली नेपालको प्रधानमन्त्री नियुक्त, सोमबार शपथ

केपी शर्मा ओली नेपालको प्रधानमन्त्री नियुक्त, सोमबार शपथ

गोर्खा मिडिया संवाददाता आइतबार, असार ३०, २०८१

काठमाडौँ । नेपालको प्रधानमन्त्रीमा केपी शर्मा ओली नियुक्त भएका छन् । राष्ट्रपति रामचन्द्र पौडेलले आइतबार ओलीलाई प्रधानमन्त्री नियुक्त गरेका हुन् ।

प्रतिनिधिसभाको दोस्रो ठूलो दल नेकपा एमालेका अध्यक्षसमेत रहेका ओलीले एमालेका साथै नेपाली कांग्रेसलगायत दलको समर्थनमा शुक्रबार प्रधानमन्त्रीमा दाबी पेस गरेका थिए ।

सोही दिनको प्रतिनिधिसभा बैठकमा पुष्पकमल दाहाल ‘प्रचण्ड’ले विश्वासको मत नपाएपछि सोही दिन राष्ट्रपति पौडेलले धारा ७६(२) अनुसार दुई वा दुईभन्दा बढी दलको समर्थनमा प्रधानमन्त्रीमा दाबी पेस गर्न आह्वान गरेका थिए ।

राष्ट्रपतिको आह्वान लगत्तै ओलीले दाबी पेस गरेका थिए । प्रधानमन्त्री नियुक्त भएका ओलीको शपथ कार्यक्रम सोमबार बिहान ११ बजे तय भएको राष्ट्रपतिको कार्यालयले जनएको छ ।

प्रकाशित मिति: आइतबार, असार ३०, २०८१ १७:४१

प्रतिक्रिया दिनुहोस्