सहारा युकेको नवनिर्वाचित कार्यसमितिलाई तमु सांस्कृतिक प्रतिष्ठान नेपालको बधाई

मातृभूमि नेपाल

Home
मातृभूमि नेपाल
सहारा युकेको नवनिर्वाचित कार्यसमितिलाई तमु सांस्कृतिक प्रतिष्ठान नेपालको बधाई

सहारा युकेको नवनिर्वाचित कार्यसमितिलाई तमु सांस्कृतिक प्रतिष्ठान नेपालको बधाई

गोर्खा मिडिया संवाददाता शुक्रबार, माघ २६, २०८०

पोखरा । सहारा युकेको नवनिर्वाचित कार्यसमितिलाई तमु सांस्कृतिक प्रतिष्ठान नेपालले बधाई ज्ञापन गरेको छ ।

प्रतिष्ठानले एक भेटघाट कार्यक्रम आयोजना गरी सहारा युकेका नवनिर्वाचित अध्यक्ष कृष्ण गुरुङ र उनको सिंगो कार्यसमितिलाई सफल कार्यकालको शुभकामना व्यक्त गरेको हो । नवनिर्वाचित अध्यक्ष गुरुङले प्रतिष्ठानका हरेक गतिविधिलाई आफूले विभिन्न माध्यमबाट नियालीरहेको भन्दै भएका कामहरुको प्रशंसा गरे ।

कार्यक्रममा संस्थाका निवर्तमान अध्यक्ष चिजकाजी गुरुङले अतिथिहरुलाई स्वागत गर्दै संस्थाको गतिविधिबारे जानकारी गराए । त्यसै गरेर प्रतिष्ठानमा स्थापित गरिब तथा जेहेन्दार तमु विद्यार्थी छात्रवृत्ति अक्षयकोष दाताहरु डा. चन्द्र गुरुङ (युके), महेश गुरुङ (युके), कृष्ण गुरुङ (युके), भोज गुरुङ (युके) र लोक गुरुङ (युके) ले प्रतिष्ठानको उत्तरोत्तर प्रगतिको कामनासहित विभिन्न सुझावहरु दिए ।

हालै सम्पन्न आहा रारा पोखरा गोल्डकपको २३ औ संस्करण सफल भएकोमा साहारा क्लब पोखराका अध्यक्ष केशव बराल र पूर्वअध्यक्ष विक्रम थलाकीलाई प्रतिष्ठानका अध्यक्ष चित्रबहादुर गुरुङले खादा ओढाइ बधाई दिए ।

सहसचिव भेष गुरुङद्वारा संचालित कार्यक्रमको समापनमा अध्यक्ष गुरुङले उपस्थित सम्पूर्ण अतिथिहरुलाई आइदिएकोमा धन्यवाद ज्ञापन गरे ।

प्रकाशित मिति: शुक्रबार, माघ २६, २०८० १२:१२

प्रतिक्रिया दिनुहोस्