लन्डन । पूर्वप्रधानमन्त्री डा बाबुराम भट्टराई नेतृत्वको नेपाल समाजवादी पार्टीको प्रवास संगठन अन्तर्राष्ट्रिय नेपाली समाज यूके पुनर्गठन भएको छ ।
भट्टराई जसपाबाट बाहिरिएर नेसपा बनाएपछि समाज पुनर्गठन गरिएको नवनियुक्त अध्यक्ष सुमित्रा लाबुङ राईले बताइन् ।‘हामीले यो पार्टीमा समावेशिता, संघीयता, सुशासन, समृद्धि र समाजवादको विचार र सिद्धान्तमा अब्बल भएको मनन गरेका छौं’, अध्यक्ष लाबुङ राईले संगठनको पहिलो बैठकको निष्कर्ष सुनाइन् । उनका अनुसार बेलायतको नयाँ कार्यसमिति ५१ सदस्यीय भएको छ ।
पदाधिकारीहरुमा उपाध्यक्ष कृष्ण गैरे, कुमार घले, थम विश्वकर्मा, हेम गुरुङ, होमकुमारी गुरुङ, महासचिव सुरोज मास्के, कोषाध्यक्ष धनकाजी गुरुङ चयन भएका छन् । यस्तै ९ जना सल्लाहकार समेत चयन गरिएको छ । डा. भट्टराईले नयाँ शक्ति नेपालमा पार्टी गठन गरेका बेला यही समाजका नामबाट बेलायतमा संगठन क्रियाशील थियो। अध्यक्ष लाबुङ राई त्यस बेला उपाध्यक्ष थिइन् ।
पार्टी एकीकरण भई समाजवादी, जनता समाजवादी हुँदा नेपाली समाज बेलायत बनेको थियो । त्यस क्रममा पनि आफूले उपाध्यक्षकै जिम्मेवारी सम्हालेको अध्यक्ष लाबुङ राईले सुनाइन् ।
समाज पुनर्गठन बैठकलाई पार्टी अध्यक्ष डा. भट्टराईले भर्चुअल माध्यमबाट सम्बोधन गरेका थिए । उनले प्रवासिएका नेपालीको नागरिकतालाई निरन्तरता दिनुपर्ने, उनीहरूले नेपालमा मताधिकार पाउनुपर्ने धारणा व्यक्त गरेका थिए । भूतपूर्व गोर्खा सैनिकमाथि हुँदै आएको विभेदको अन्त्य हुनुपर्ने उनको भनाइ थियो । उनले विदेशमा सिकेको ज्ञान, प्राप्त अनुभवलाई नेपालमा आएर देशको विकासमा लागू गर्न आग्रह गरेका थिए ।
प्रदेश इन्चार्ज जीएस गुरुङ, प्रदेश अध्यक्ष धनबहादुर गुरुङ, उपाध्यक्ष डाक्टर दिलीप यादव, पूर्वअध्यक्ष तथा केन्द्रीय सदस्य चन्द्र गुरुङ, केन्द्रीय सदस्य सकुन गुरुङलगायतले डा भट्टराईको भिजनबाट देशलाई विकासको मार्गमा डोर्याउन सकिनेमा जोड दिने बताएका थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
