पूर्णकला बीसी : गायिका [८ तस्बिर]

मोडल

Home
मोडल
पूर्णकला बीसी : गायिका [८ तस्बिर]

पूर्णकला बीसी : गायिका [८ तस्बिर]

लन्डन । करिब १५ वर्षदेखि लोक तथा दोहोरी क्षेत्रमा निरन्तर लागिरहेकी छन् गायिका पूर्णकला बीसी । अत्यन्त मीठो आवाजकी धनी अर्थात् नामजस्तै गायन कलाले पनि पूर्ण छिन् बीसी । उनै चर्चित गायिका बीसी यतिबेला बेलायतका विभिन्न ठाउँमा सांगीतिक प्रस्तुति दिइरहेकी छन् ।

गायिका बीसी २०४५ साल फागुन १२ गते बर्दियाको गुलरिया नगरपालिका १ जानकीनगर खैरापुरमा जन्मिएकी हुन् । उनी वीरबहादुर विश्वकर्मा र दिलसरी विश्वकर्माकी छोरी । सानैदेखि गीत संगीतमा रुची राख्ने बीसी गाउँमै पढलेख गरेर २०६५ सालमा काठमाडौं पसिन् । त्यतिबेलादेखि लोक तथा दोहोरी क्षेत्रमा खटिरहेकी बीसीले अहिलेसम्म निरन्तरता दिइरहेकी छन् । गायन क्षेत्रमा दौरानबीच उनले विभिन्न अवार्ड र पुरस्कार पाइसकेकी छन् ।

यस बीचमा डाँडै बिसौनी, मायालुको सहरमा, हो, भन निरमाया आउँछेउ आउँदैनौं, पिरती नलाउँ माया, रुँदै रुँदै तिम्रो सहर छोड्ने बेला, झमझम पानी परेको रात, तीज गीत उफ्रि उफ्रि नाँच्न मन छैनलगायत ५ हजार वटाभन्दा बढी गीतमा स्वर भरिसकेकी छन् । मञ्चीय कार्यक्रम त हजारौं भ्याइसकिन् । नेपालमात्रै होइन विश्वका मलेसिया, कतार, दुबई, कुवेत, अस्ट्रेलिया, जापानलगायत देशमा पनि उनी पुगिसकेकी छन् । कास्कीको अर्मला कर्मघर रहेको बीसी हाल श्रीमान्, छोरीसहित काठमाडौं बस्छिन् । उनले बुटिक पसलसमेत सञ्चालन गरेकी छन् ।