नेपालको संविधान दिवसको अवसरमा बेलायतका ७ नेपालीलाई विभूषण दिने घोषणा

कर्मभूमि बेलायत

Home
कर्मभूमि बेलायत
नेपालको संविधान दिवसको अवसरमा बेलायतका ७ नेपालीलाई विभूषण दिने घोषणा

नेपालको संविधान दिवसको अवसरमा बेलायतका ७ नेपालीलाई विभूषण दिने घोषणा

गोर्खा मिडिया संवाददाता बुधबार, असोज ५, २०७९

लण्डन । नेपालमा संविधान दिवस २०७९ का अवसरमा बेलायतमा बसोबासरत ७ नेपालीहरुले विभिन्न विभूषण पाएका छन् । जसमा सहारा यूकेका पूर्वअध्यक्ष, सहारा क्लब पोखराका मानार्थ सदस्य दिलीप गुरुङ MBE 'समाजसेवा रत्न' राप्ट्रिय पदक, बेलायतको लिड्स विश्वविद्यालयमा प्राध्यापनरत प्रा डा सूर्यप्रसाद सुवेदीलाई प्रसिद्ध प्रबल जनसेवाश्री प्रदान गरिएको छ ।

यस्तै गैरआवासीय नेपाली संघका अन्तर्राष्ट्रिय समन्वय परिषद्का अध्यक्ष कुल आचार्यलाई सुप्रबल जनसेवा श्री प्रदान गरिएको छ । अर्का व्यवसायी पशुपति भण्डारीले प्रबल जनसेवाश्री पाएका छन् । बेलायतस्थित नेपाली दुताबासको उपनियोग प्रमुख श्रीमती रोशन खनाललाई पनि प्रबल जनसेवा श्री प्रदान गरिएको छ । यसैगरी बेलायतमा बसोबास गर्दै आएकी पौडी खेलाडी गौरिका सिंहलाई पनि राष्ट्रदीप पदवी दिइएको छ ।

बेलायतमा बसोबासरत समाजसेवी लक्ष्मी राई (लारा) लाई पनि समाजसेवा रत्न सम्मान दिइएको छ ।

प्रकाशित मिति: बुधबार, असोज ५, २०७९ २३:३८

प्रतिक्रिया दिनुहोस्