जनजाति महासंघको दोस्रो सम्मेलन सम्पन्न: काठमाडौँ घोषणापत्र जारी

मातृभूमि नेपाल

Home
मातृभूमि नेपाल
जनजाति महासंघको दोस्रो सम्मेलन सम्पन्न: काठमाडौँ घोषणापत्र जारी

जनजाति महासंघको दोस्रो सम्मेलन सम्पन्न: काठमाडौँ घोषणापत्र जारी

गोर्खा मिडिया संवाददाता शनिबार, साउन २३, २०८३

काठमाडौँ । नेपाल लोकतन्त्रवादी आदिवासी जनजाति महासंघको दोस्रो राष्ट्रिय सम्मेलन २३ बुँदे काठमाडौँ घोषणापत्र-२०८३ जारी गर्दै सम्पन्न भएको छ ।

महासंघका अध्यक्ष ओमबहादुर घर्ती मगरको अध्यक्षता तथा नेपाली काङ्ग्रेसका सभापति गगनकुमार थापाको प्रमुख आतिथ्यमा आयोजित सम्मेलनले संविधान संशोधन, राज्यका संरचनामा समानुपातिक प्रतिनिधित्व र पार्टीको विधान परिमार्जनसम्बन्धी महत्त्वपूर्ण माग अघि सारेको छ ।

घोषणापत्रमा संविधानको धारा ५६ (५) अनुसार अल्पसङ्ख्यक आदिवासी जनजातिका लागि ‘स्वायत्त, विशेष र संरक्षित क्षेत्र’ अविलम्ब निर्माण गर्न माग गरिएको छ । साथै बागमती र गण्डकी प्रदेशमा झैँ अन्य प्रदेशमा पनि बहुसङ्ख्यक जनताले बोल्ने भाषालाई सरकारी कामकाजको भाषा निर्धारण गर्न र पहिचानका आधारमा प्रदेशहरूको पुनःसंरचना गर्न प्रस्ताव गरिएको छ ।

त्यसैगरी, छुट्टै ‘आदिवासी जनजाति मन्त्रालय’ स्थापना गर्न, विकास आयोजना निर्माण गर्दा प्रभावित समुदायको ‘पूर्व सुसूचित सहमति’ अनिवार्य लिन, अन्तर्राष्ट्रिय श्रम सङ्गठन र युएनड्रिपको मर्म अनुसार जल, जमिन र जङ्गलमाथिको अग्राधिकार संवैधानिक रूपमै सुनिश्चित गर्न माग गरिएको छ ।

प्रकाशित मिति: शनिबार, साउन २३, २०८३ २१:५७

प्रतिक्रिया दिनुहोस्