चिउली पाचे तमु समाजको नेतृत्वमा क्याप्टेन लोककृष्ण गुरुङ, नयाँ कार्यसमिति सर्वसम्मत चयन

मातृभूमि नेपाल

Home
मातृभूमि नेपाल
चिउली पाचे तमु समाजको नेतृत्वमा क्याप्टेन लोककृष्ण गुरुङ, नयाँ कार्यसमिति सर्वसम्मत चयन

चिउली पाचे तमु समाजको नेतृत्वमा क्याप्टेन लोककृष्ण गुरुङ, नयाँ कार्यसमिति सर्वसम्मत चयन

गोर्खा मिडिया संवाददाता बुधबार, साउन १३, २०८३

पोखरा । चिउली पाचे तमु समाजको हालै सम्पन्न १४औं अधिवेशनले क्याप्टेन लोककृष्ण गुरुङको अध्यक्षतामा नयाँ कार्यसमिति सर्वसम्मत रूपमा चयन गरेको छ । समाजको आगामी कार्यकालका लागि गठित समितिमा सुवेदार डिल बहादुर गुरुङ प्रथम उपाध्यक्ष, हवल्दार मेन बहादुर गुरुङ द्वितीय उपाध्यक्ष, सुवेदार कर्ण बहादुर गुरुङ सचिव र सुवेदार पम बहादुर गुरुङ कोषाध्यक्ष चुनिएका छन् ।

त्यसैगरी, संस्थाको सह-सचिवमा क्याप्टेन इमान सिं गुरुङ र सह-कोषाध्यक्षमा हवल्दार बौद्ध सिं गुरुङ चयन भएका छन् । कार्यसमिति सदस्यहरूमा पेउ बहादुर गुरुङ, ना‍. बिर बहादुर गुरुङ, सुवेदार मेजर जित बहादुर गुरुङ, पदम बहादुर गुरुङ, खिमर जंग गुरुङ, सुवेदार बेल बहादुर गुरुङ, हवल्दार खुशी मान गुरुङ, क्याप्टेन फौद सिं गुरुङ, नायब सुब्बा खम्बा सिं गुरुङ र होमन सिं गुरुङ रहेका छन् ।

नयाँ कार्यसमिति चयन भएको अवसरमा तमु धिं नेपालका केन्द्रीय अध्यक्ष हुम तमुले नवनिर्वाचित पदाधिकारी तथा सदस्यहरूलाई हार्दिक बधाई ज्ञापन गर्दै सफल कार्यकालको शुभकामना व्यक्त गरे । तमु समाजको उत्थान र सामाजिक एकताका लागि यो नयाँ टोलीले प्रभावकारी भूमिका खेल्ने उनले विश्वास व्यक्त गरे ।

प्रकाशित मिति: बुधबार, साउन १३, २०८३ १३:५२

प्रतिक्रिया दिनुहोस्