लुम्बिनी । भगवान् गौतम बुद्धको जन्मस्थल लुम्बिनीमा आयोजित पाँच दिने अन्तर्राष्ट्रिय आकाशा हिलिङ एन्ड वेलनेस रिट्रिट आइतबार भव्यताका साथ सम्पन्न भएको छ ।
लुम्बिनी होटल होकेमा आयोजित रिट्रिट भिजनरी इन्टरनेसनलका प्रमुख मास्टर कन्सियसनेस कोच तथा एनएलपी मास्टर ट्रेनर इन्द्र गुरुङ, निर्देशक राजी श्रेष्ठ गुरुङ, हिलर रोनाल्ड गुरुङ तथा सहयोगीहरूको नेतृत्वमा सम्पन्न भएको हो ।
कार्यक्रममा आकाशा कोचिङ एलायन्स का संस्थापक ज्याक मकानी र मकानी एकेडेमीकी ट्रेनर स्वीटलाना चारकोभास्काले प्रशिक्षण दिएका थिए । स्वीटलानाले रसियन र राजीले हिन्दीमा अनुवादकको भूमिका निर्वाह गरेकी थिइन् ।
रिट्रिटमा यूके, अमेरिका, स्पेन, सिंगापुर, भारत, रूस, कजाखस्तान, लिथुआनिया र नेपालबाट करिब ५५ जनाको सहभागिता थियो । सहभागीहरूमा मेडिकल डाक्टर, मनोवैज्ञानिक, उद्यमी, भेन्चर क्यापिटलिस्ट, आईटी प्रोफेसनल तथा शैक्षिक संस्थाका प्रमुखहरू थिए ।
रिट्रिट अप्रिल ३० मा सुरु भई मे ४ मा सम्पन्न भएको हो। कार्यक्रमले आकाशा हिलिङको बेसिकदेखि लेभल ९ सम्मको प्रशिक्षण समेटेको थियो । आकाशा एक अदृश्य शक्ति हो, जसले शरीर, मन र जीवनमा सकारात्मक परिवर्तन ल्याउने विश्वास गरिन्छ ।
प्रत्येक बिहान योग प्रशिक्षक इन्द्रेणी शर्माको नेतृत्वमा योग सत्र हुन्थ्यो, साथै ओशो कुन्डलिनी तथा डाइनामिक मेडिटेसनमार्फत शरीर र मनको शुद्धीकरण गरिन्थ्यो ।
कार्यक्रमका मुख्य अंशहरू:
पहिलो दिन: आशाकाको आधारभूत ज्ञान प्रदान गरियो, साँझ मायादेवी मन्दिरको डुंगाबाट भ्रमण ।
दोश्रो दिन: आन्तरिक शुद्धीकरण (आकाशा क्लिन्जिङ) – सबैले अत्यन्त लाभदायक अनुभवको प्रतिक्रिया दिएका थिए ।
तेस्रो दिन: गुरुबाट दीक्षा कार्यक्रम सम्पन्न ।
चौथो दिन: सिकेका ज्ञानलाई व्यवहारमा उतार्ने अभ्यास सत्र ।
पाँचौँ दिन: विश्व शान्ति स्तूपा सम्मको नेचर वाक, ब्रेकफास्टपछि थाई, चाइनिज, जर्मन र नेपालको मठ भ्रमण ।
मोनास्ट्री भ्रमणका क्रममा नेपाली मठमा भिक्षुहरूले आकाशा समूहलाई सामूहिक ध्यान गराएका थिए । कार्यक्रमको अन्त्यमा ज्याक मकानीले ‘जीवन सिर्जना’ सम्बन्धी प्रेरणादायी विचारहरू प्रस्तुत गरे। उनले आकाशा हिलरहरूले प्रकृतिसँग नजिक रहेर हल्का खाना खाने, प्रविधिको सदुपयोग गर्ने, अरूलाई सहयोग गर्ने र मन परेको काममा संलग्न हुनुपर्ने बताएका थिए ।
कार्यक्रममा भन्ते बज्रलाई आमन्त्रण गरी बुद्ध धर्मबारे शिक्षण र ध्यान सत्र गरिएको थियो । सहभागीहरूलाई भन्तेले आशिर्वाद स्वरूप लुम्बिनीको माटो र पीपलको पात प्रदान गरेका थिए ।
सत्र सफलतापूर्वक सम्पन्न भएपछि विभिन्न लेभल पार गरेका हिलरहरूलाई सर्टिफिकेट वितरण गरिएको थियो । रसियाबाट सहभागी मोल्दिर मेयरजाखेरमेटोभाको जन्मदिनसमेत विशेष रूपमा मनाइएको थियो । होटल व्यवस्थापन र स्टाफहरूको अतुलनीय सेवाप्रति सबै सहभागीहरूले आभार प्रकट गरेका थिए ।
आयोजक इन्द्र गुरुङले भने, ‘विश्वलाई नेपालमा ल्याऔँ, नेपाललाई विश्वमा चिनाऔँ।’ २०१३ सालदेखि नेपालमा सुरु भएको आकाशा हिलिङ यात्रा अहिलेसम्म ५०० भन्दा बढी हिलर उत्पादन गरिसकेको उनले बताए ।
बुद्धभूमि लुम्बिनीमा पहिलो पटक यस्तो भव्य कार्यक्रमको सफल आयोजनाले नेपाललाई विश्व शान्ति र आध्यात्मिक यात्राको केन्द्रको रूपमा स्थापित गर्न सघाउने अपेक्षासमेत गरिएको छ ।
![गोर्खा कप [कविता]](https://gurkhamedia.com/uploads/posts/ratna-gurung-1744036920.jpg)
![बेलायतमा यसरी गरियो २३ औं गोर्खा कपको तयारी [तस्बिरहरु]](https://gurkhamedia.com/uploads/posts/499424413_1092272429592350_8697503704045963673_n-1748110033.jpg)
![एनआरएनएको एकता महाधिवेशनबाट अध्यक्षमा महेशकुमार श्रेष्ठ निर्विरोध [विजयी सूची]](https://gurkhamedia.com/uploads/posts/Mahesh-shrestha-1746337658.jpg)
