आहा-रारा पोखरा गोल्डकप: ब्ल्याक बुल्स पहिलो सहभागितामै च्याम्पियन

खेलकुद

Home
खेलकुद
आहा-रारा पोखरा गोल्डकप: ब्ल्याक बुल्स पहिलो सहभागितामै च्याम्पियन

आहा-रारा पोखरा गोल्डकप: ब्ल्याक बुल्स पहिलो सहभागितामै च्याम्पियन

गोर्खा मिडिया संवाददाता शनिबार, फागुन ३, २०८१

पोखरा । नेपाल पुलिस क्लबलाई पराजित गर्दै उज्वेकिस्तानको ब्ल्याक बुल्सले २४औँ आहा-रारा पोखरा गोल्डकपको उपाधि जितेको छ ।

शनिबार पोखरा रंगशालमा भएको खेलमा पुलिसलाई ३-१ ले हराउँदै ब्ल्याक बुल्स च्याम्पियन बनेको हो । ब्ल्याक बुल्सका कुभोनचबेक ओलिनोभले ४०औँ मिनेटमा गोल गर्दै अग्रता दिलाएका थिए ।

असिलबेक ओरिफजोनोभले ५८औँ तथा साभकातजोन सात्तोरोधले ६६औँ मिनेटमा गोल गर्दै जितको आधार तय गरे । पुलिसका शिशिर चौधरीले ७४औँ मिनेटमा एक गोल फर्काए ।

ब्ल्याक बुल्सले पहिलो सहभागितामै आहा-रारा पोखरा गोल्डकपको उपाधि जित्दै इतिहास रचेको छ । कीर्तिमानी सातौँ पटक च्याम्पियन बन्ने पुलिसको लक्ष्य पूरा हुन सकेन ।

विजेता ब्ल्याक बुल्सले १२ लाख १ हजारसहित ट्रफी तथा उपविजेता पुलिसले ६ लाख १ हजार रुपैयाँ प्राप्त गर्‍यो ।

प्रकाशित मिति: शनिबार, फागुन ३, २०८१ १७:४०

प्रतिक्रिया दिनुहोस्