आहा रारा पोखरा गोल्डकप: आयोजकलाई हराउँदै पुलिस क्वाटर्फाइनलमा

खेलकुद

Home
खेलकुद
आहा रारा पोखरा गोल्डकप: आयोजकलाई हराउँदै पुलिस क्वाटर्फाइनलमा

आहा रारा पोखरा गोल्डकप: आयोजकलाई हराउँदै पुलिस क्वाटर्फाइनलमा

गोर्खा मिडिया संवाददाता मंगलबार, माघ २२, २०८१

पोखरा । उद्घाटन खेलमा आयोजक सहारा क्लबलाई हराउँदै विभागीय टोली नेपाल पुलिस क्लब २४औँ आहा रारा गोल्डकपको क्वाटर्फाइनलमा पुगेको छ । पोखरा रंगशालामा पुलिससँग आयोजक टोली १-० ले स्तब्ध बनेको हो ।

पुलिसको जितमा खेलको ३६ मिनेटमा उज्वल राईले निर्णायक गोल गरे । उनले कर्नरबाट उत्कृष्ट गोल गरेका थिए । खेलमा उनी प्लेयर अफ द म्याच घोषित भए । हारसँगै आयोजक सहारा प्रतियोगिताबाट नै बाहिरिएको छ ।

पुलिसले क्वार्टरफाइनलमा २६ गते ब्लायतको ब्रिगेड ब्वाईज क्लबसँग खेल्नेछ । प्रतियोगितामा बुधबार अर्को विभागीय टोली एपीएफ फुटबल क्लब र मछिन्द्र क्लबबीच प्रतिस्पर्धा हुनेछ।

मंगलबार प्रतियोगिताको पोखरा महानगरपालिकाका प्रमुख धनराज आचार्यले उद्घाटन गरेका थिए । उद्घाटनका क्रममा ब्रिगेड ब्यान्डले आफ्नो प्रस्तुति दिएको थियो । यसपटक प्रतियोगितामा ३ विदेशीसहित १२ टोलीको सहभागिता छ।

विजेताले ट्रफीसहित नगद १२ लाख १ हजार र उपविजेताले ६ लाख १ हजार नगद पुरस्कार पाउनेछन् । आहा रारा पोखरा गोल्डकपबाट बचत हुने रकम आयोजक सहाराले क्लबले सूर्यबहादुर केसी स्मृति सहारा फुटबल एकेडेमीमा खर्च गर्दै आएको छ । एकेडेमीमा ३० जना बालक आश्रित छन् ।

प्रकाशित मिति: मंगलबार, माघ २२, २०८१ १९:५०

प्रतिक्रिया दिनुहोस्