मोडल आरुसी मगरको बिदाइ तथा संगीतिक साँझ ८ र १० नोभेम्बरमा

मनोरञ्जन

Home
मनोरञ्जन
मोडल आरुसी मगरको बिदाइ तथा संगीतिक साँझ ८ र १० नोभेम्बरमा

मोडल आरुसी मगरको बिदाइ तथा संगीतिक साँझ ८ र १० नोभेम्बरमा

गोर्खा मिडिया संवाददाता आइतबार, कात्तिक ११, २०८१

लन्डन । सांगीतिक भ्रमणको क्रममा बेलायतमा रहेकी मोडल तथा डान्सर आरुसी मगरको बिदाइ तथा सांगीतिक साँझ ८ र १० नोभेम्बरमा हुने भएको छ ।

लन्डनमा ८ नोभेम्बरमा London harrow Goldenship Restaurants मा कार्यक्रम राखिएको छ । यस्तै, १० नोभेम्बर आइतबारका दिन अल्डरसटस्थित ठमेल दोहोरीमा हुनेछ । जता नजिक पर्छ त्यतै उपस्थित भइदिन उनले आफ्ना शुभचिन्तकलाई आग्रह गरेकी छन् ।

बेलायतवासी नेपाली दर्शक तथा श्रोताहरूसँग विभिन्न कार्यक्रममा सहभागी हुन र विभिन्न रमणीय ठाउँ घुम्न पाउँदा आफन्तजनसँग भेटघाट गर्दा गर्दै नेपाल फर्किने दिन आएको पत्तै नपाएको उनले बताएकी छन् ।

यसबीचमा उनी बेलायतमा रहेका विभिन्न संघसंस्थाको कार्यक्रम, विभिन्न जिल्ला भेला, गाउँले पार्टी, नम्बरी पार्टीलगायत कार्यक्रममा सहभागी भइन् ।

माया गर्ने आफन्तजन, इष्टमित्र र शुभचिन्तकका कारण आफूलाई परिवारदेखि टाढा छु भन्ने अनुभूति नै नभएको उनको भनाइ छ । उनी नेपाल फर्किनुभन्दा अगाडि भेटघाट तथा बिदाइ कार्यक्रम तय भएको हो ।

प्रकाशित मिति: आइतबार, कात्तिक ११, २०८१ २३:४४

प्रतिक्रिया दिनुहोस्