प्रतिष्ठित लन्डन फिल्म फेस्टिभलमा प्रिमियर हुँदै ‘शाम्बाला’

मनोरञ्जन

Home
मनोरञ्जन
प्रतिष्ठित लन्डन फिल्म फेस्टिभलमा प्रिमियर हुँदै ‘शाम्बाला’

प्रतिष्ठित लन्डन फिल्म फेस्टिभलमा प्रिमियर हुँदै ‘शाम्बाला’

गोर्खा मिडिया संवाददाता शुक्रबार, असोज ११, २०८१

काठमाडौँ । मिनबहादुर भाम निर्देशित नेपाली फिल्म ‘शाम्बाला’ लन्डन फिल्म फेस्टिभलको ६८औँ संस्करणमा प्रिमियर हुने भएको छ ।

आगामी १५ र १६ अक्टोबरमा यो फिल्मको स्क्रिनिङ हुन लागेको निर्देशक भामले जनाएका छन् । भामले सामाजिक सञ्जालमा पोस्ट गर्दै शुक्रबार यसबारे जानकारी दिएका हुन् ।

‘प्रतिष्ठित वीएमआई लन्डन फिल्म फेस्टिभलमा हाम्रो फिल्म छनोट भएकोमा हामी खुसी र रोमाञ्चित छौँ । यसमा सहभागी सबैलाई बधाई,’ उनले लेखेका छन् । बेलायतको यो प्रतिष्ठित फेस्टिभलमा प्रिमियर हुने शाम्बाला पहिलो नेपाली फिल्मसमेत हुनेछ ।

फेस्टिभलको यस वर्षको संस्करण ९ अक्टोबर २० अक्टोबरसम्म हुनेछ । यसअघि नै यो फिल्म स्विट्जरल्यान्डको लोकार्नो फिल्म फेस्टिभलमा प्रिमियर भएको थियो । अभिनेत्री थिन्ले ल्हामोले बोक्कालिनो डीओर अवार्ड प्राप्त गरेकी थिइन् ।

यसबाहेक ‘शाम्बाला’ले बर्लिनको यस वर्षको संस्करणमा ३० वर्षपछि मुख्य विधामा छनोट हुने दक्षिण एसियाली फिल्मको रेकर्ड राखेको थियो । शाम्बाला यतिबेला नेपालका हलमा प्रदर्शन भइरहेको छ ।

शाम्बालामा थिन्लेसहित सोनम तोप्देन मुख्य भूमिकामा छन् । यस फिल्मले नेपालको पश्चिमी हिमाली क्षेत्रमा प्रचलित बहुपतिप्रथाको कथा छ । फिल्मको कथा निर्देशक भाम र अविनाश विक्रम शाहीले लेखेका हुन् ।

प्रकाशित मिति: शुक्रबार, असोज ११, २०८१ २०:४६

प्रतिक्रिया दिनुहोस्