बेलायतवासी सुष्मा गुरुङ नेतृत्वको नेपाली टोलीलाई ल्हासामा रात्रिभोजसहित स्वागत

प्रमुख समाचार

Home
प्रमुख समाचार
बेलायतवासी सुष्मा गुरुङ नेतृत्वको नेपाली टोलीलाई ल्हासामा रात्रिभोजसहित स्वागत

बेलायतवासी सुष्मा गुरुङ नेतृत्वको नेपाली टोलीलाई ल्हासामा रात्रिभोजसहित स्वागत

ल्हासा । कैलाश पर्वत र मानसरोवर तालको सफल भ्रमणपछि बेलायतवासी सुष्मा गुरुङ नेतृत्वको २८ जनाको नेपाली टोली सेप्टेम्बर २० तारिख ल्हासा आइपुगेकोछ । सिगात्सेबाट बिहान बसबाट २ सय ७५ कि.मि. पार गरी बेलुकी पख टोली ल्हासा सहर आइपुगेको हो । बीचमा विभिन्न रमणीय स्थलहरु र विशेष यामद्रोक तालको मनमोहक दृश्यले सबै मोहित भएका थिए ।

फ्लाई एभरेष्ट टूर एन्ड ट्राभल्सका एमडी तथा टूर मेनेजर कटकबहादुर तामाङको ल्हासाका लागि टूर व्यवस्थापन गर्ने कर्म भ्याली ईन्टरनेसनल प्रा.लि.का म्यानेजिङ डाइरेक्टर टासीले बेलायटबाट आएको टिमलाई ल्हासामा स्वागत तथा रात्रिभोजको आयोजना गरेको थियो । कार्यक्रम ल्हासास्थित चोसी रेस्टुरेन्ट, नाम्सीमा सम्पन्न भएको थियो । तिबेटिएन खाना र साँस्कृतिक कार्यक्रम भएको थियो ।

बेलायतबाट गएको टोली र तिबेटिएनहरु खानापछि नेपाली, हिन्दी गीतमा झुमेर नाचेका थिए । पाहुनाहरुलाई होटल व्यवस्थापन टोलीले सेतो खादा लगाई टासी देलेक भन्दै भव्य स्वागत गरेको थियो । तिब्बतमा स्वादिलो खाना र न्यानो स्वागत गरेकोमा कर्म भ्याली र होटललाई बेलायत टोलीको तर्फबाट शिव कल्चरल एन्ड कम्युनिटी सेन्टर युकेका अध्यक्ष बिक्रम भट्टाराईले धन्यवाद दिँदै छोटो मन्तव्य राखेका थिए । होटलका मेनेजर पासाङलाई धन्यवादसहित भट्टाराईले युके टोलीका तर्फबाट खादा लगाइदिएका थिए ।

कार्यक्रमको संयोजन कर्म भ्यालीका टूर म्यानेजर डोल्माले गरेकी थिइन् । सोही कार्यक्रममा युके टोलीलाई न्यानो स्वागत गरिदिएकोमा फ्लाई एभरेष्टका तर्फबाट कटकबहादुर तामाङले आभार व्यक्त गरेका थिए ।

टोलीका संयोजक सुष्मा गुरूङका अनुसार चार दिनको ल्हासा भ्रमणपछि २३ सेप्टेम्बरमा टोली काठमान्डौं फर्कने तालिका छ । भ्रमण टोली काठमाडौंबाट ११ सेप्टेम्बरमा कैलाशतर्फ प्रस्थान गरेको थियो ।