लन्डन । बेलायतको अल्डरसट स्थित डी लोन्ज रेस्टुरेन्टमा ‘अनलिस योअर इनर सेल्फ’ कार्यक्रम सफलतापूर्वक सम्पन्न भएको छ । ग्रेटर रशमोर नेपाली कम्युनिटी युकेका अध्यक्ष मान गुरुङको आयोजनामा भएको कार्यक्रम २८ जुलाईमा भएको हो । छैटौँ पटक सम्पन्न कार्यक्रम विगतमा भन्दा धेरै विषयहरू समेटिएको र उपलब्धिमूलक भएको सहभागीले जनाए ।
कार्यक्रममा नेपालबाट आएका चेतना प्रशिक्षक इन्द्र गुरुङ, क्लिनिकल साइकोलोजिस्ट राजी श्रेष्ठ गुरुङ र सहायक प्रशिक्षक रोनाल्ड गुरुङले प्रशिक्षण दिएका थिए । उनीहरू बिहीबार लन्डन आएका थिए । इन्द्र र राजी श्रेष्ठ गुरुङ दम्पती नेपालमा मानिसमा भएको चेतना वृद्धि वा सफल बनाउन सम्भवतः पहिलो स्थानमा छन् ।
शारिरीक, मानसिक, भावनात्मक, सामाजिक, वित्तीय र आध्यात्मिक विषयलाई समेटेर सम्बन्धित व्यक्तित्वले बोलेका थिए । आयोजक मान गुरुङले उपस्थित सबैलाई धन्यवाद दिँदै कार्यक्रमको दृष्टि, लक्ष्य, उद्देश्य र मिसनबारे प्रस्ट पारेका थिए ।
सुरुआतमा सयपत्री कल्चरलका कविता घर्ती मगर गुरुङको निर्देशनमा नृत्य प्रस्तुतका साथै सबैलाई नचाइएको थियो । राजी श्रेष्ठ गुरुङले ‘कसरी हामी आफ्नै भाग्य वा ठूलो लक्ष्यको च्याम्पियन हुन सकिन्छ’ विषयमा अति नै रोचक ढंगले प्रस्तुति राखेका थिए । जीवन चक्रबारे विस्तृत वर्णन गरिएको थियो । जीवन सन्तुलन निर्माण कसरी गर्ने बारे पनि बोलेका थिए ।
इन्द्र गुरुङले उक्त दिनको मुख्य विषय ‘अनलिस योअर इनर सेल्फ’लाई मूर्तरूप दिँदै प्रत्येक व्यक्तिलाई जीवनमा के कुराले रोकि राखेको छ ? त्यसलाई तोडिएमा के अनुभव लिन सकिन्छ ? आदि कुरा समेटेर काठको फट्टामा आगो बालेर फुटाउने अभ्यास गराए ।
धेरै जनाले आफ्नो मनमा भएको गाँठो फुकाएर भिन्दै अनुभव भएको बताए । युनिभर्सिटी विद्यार्थी जेसीका क्षेत्री र बीएए आर्ट सकेका सन्ध्या गुरुङ जस्ता नवयुवाले पनि फट्टा फुटाउनेमा भाग लिएर नौलो अनुभव भएको बताए । कसरी सम्पूर्ण प्रणाली रूपान्तरण गर्ने, दृश्य अदृश्य नेतृत्व प्रभाव, भिजन, मिसन, भ्येलुज र आदि विषयमा इन्द्र र राजीले प्रशिक्षण दिएका थिए ।
आध्यात्मिक साधक प्रकाश गुरुङले जीवनलाई आनन्दित बनाउने माध्यमबारे बोल्दै ओशो डाइनमिक मेडिटेसनको उदाहरण देखाएका थिए । रि. लेफ्टिनेन्ट कर्णेल टोल काम्चाले लचिलो नेतृत्वबारे बोलेका थिए । प्रोपर्टी इन्भेस्टर हरि कुमार गुरुङले हाउस इन मल्टी अकुपेसनको फाइदा बेफाइदा र कसरी सञ्चालन गर्न सकिन्छ भन्नेबारे आफ्नो अनुभव राखेका थिए । डा. जीत तामाङले कसरी मानसिक र शारीरिक रूपमा स्वस्थ हुन सकिन्छ भन्नेबारे बोलेका थिए ।
-1722330199.jpg)
कलाकार दिनेश गुरुङको बाँसुरी धुनले छुट्टै खालको रौनक थपिएको थियो । जिरोबाट हिरो हुन सफल व्यवसायी योगेनबहादुर क्षेत्रीको सफलताबारे चाखलाग्दो प्रस्तुति राखेका थिए । ‘व्यवसाय एक वर्षको नानी जस्तै हो सधैँ हेरचाह गरिरहनुपर्छ । अवसर आउँदा चुकाउनु हुँदैन । आफ्ना कर्मचारीलाई सधैँ खुशी बनाउन सक्नुपर्छ,’ उनको भनाइ थियो । क्यान्सर मुक्त आफ्नै छोराले सगरमाथा चढेको उदाहरण दिँदै उनले रोचक र प्रेरणादायी ढंगमा बोलेका थिए ।
एउटा साधारण व्यक्ति विदेश जाँदा कस्तो मन लिएर जान्छ भन्ने कथालाई रोनाल्ड गुरुङले कविता बनाएर वाचन गर्दा सबै भावुक भएका देखिए । स्पिकरहरु सबैलाई आयोजक मान गुरुङले खादा लगाएर धन्यवाद दिए । कार्यक्रम सञ्चालन डा. विशाल गुरुङले गरेका थिए ।
-1732408259.jpg)
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
