बेलायतमा निर्मित चलचित्र 'उडल्यान्ड' २० जुलाईमा प्रदर्शन आरम्भ

मनोरञ्जन

Home
मनोरञ्जन
बेलायतमा निर्मित चलचित्र 'उडल्यान्ड' २० जुलाईमा प्रदर्शन आरम्भ

बेलायतमा निर्मित चलचित्र 'उडल्यान्ड' २० जुलाईमा प्रदर्शन आरम्भ

गोर्खा मिडिया संवाददाता सोमबार, असार २४, २०८१

लन्डन । बेलायतमा निर्मित चलचित्र 'उडल्यान्ड' यही २० जुलाई २०२४ मा प्रदर्शन आरम्भ हुने भएको छ । प्रबल सोनाम घिसिङ (प्रेम लामा) को लेखन तथा निर्देशनमा बनेको चलचित्र २० जुलाईबाट प्रदर्शन सुरु हुन लागेको हो ।

प्रेमिस भिजन युकेको प्रस्तुति उडल्यान्ड चलचित्र घिसिङको पाँचौं सिर्जना हो । जहिले पनि समसायमिक विषयमा चलचित्र बनाउने गरेकोमा यो पटक आफ्नो कला, संस्कति र परम्परालाई प्रवर्द्धन गर्ने उद्देश्यले उडल्यान्ड फरक चलचित्र बनाएको दाबी गर्दै निर्देशक घिसिङले यो चलचित्र हेरिदिन बेलायतवासीसहित सबै नेपाली समुदायलाई आग्रह गरेका छन् ।

Messenger_creation_9c45e22b-f86e-4e60-a2fb-523a8d9b8a22-1720427773.jpeg
२० जुलाईको शोपछि बेलायतभरि प्रदर्शन गराउने गरी तालिका निर्माण भइसकेको घिसिङले जानकारी दिए । उनले यो चलचित्र हेरिसकेपछि बेलायतमा कस्तो चलिचत्र बनिरहेको भन्नेसमेत थाह हुने बताए । उनका अनुसार अंग्रेजी भाषाको उपशीर्षकसमेत चलचित्रमा राखिएको छ । चलचित्रमा प्रबल सोनाम घिसिङ, क्रिस एप्पलटन, सलिना थापामगर, सरु गुरुङ, प्रसुना कँडेललगायत दुई दर्जन कलाकारको अभिनय रहेको छ । आधा नेपाली र आधा वेस्टर्न कलाकारहरु रहेको समेत प्रेम लामाले बताए ।