बेलायतमा शनिबार हुने लोकदोहोरी स्वर्णिम साँझका लागि आए सम्झना, राजुलगायत कलाकार

मनोरञ्जन

Home
मनोरञ्जन
बेलायतमा शनिबार हुने लोकदोहोरी स्वर्णिम साँझका लागि आए सम्झना, राजुलगायत कलाकार

बेलायतमा शनिबार हुने लोकदोहोरी स्वर्णिम साँझका लागि आए सम्झना, राजुलगायत कलाकार

गोर्खा मिडिया संवाददाता शुक्रबार, जेठ ४, २०८१

लन्डन । बेलायतमा शनिबार हुने सातौं लोकदोहोरी स्वर्णिम साँझका लागि चर्चित गायिका सम्झना लामिछाने मगर, गायक राजु ढकाललगायत कलाकारहरु यहाँ आइपुगेका छन् ।

राष्ट्रिय लोक तथा दोहोरी गीत प्रतिष्ठान नेपाल युके शाखाको आयोजनामा शनिबार १८ मेमा फार्नबोरोस्थित स्यामुएल कोडी स्कुलमा हुने स्वर्णिम साँझ तथा संस्थाको दशौँ वार्षिकोत्सवका लागि कलाकारहरु सम्झना, राजुलगायत लन्डन आइपुगेका हुन् । कलाकारहरुको स्वागतका लागि राष्ट्रिय लोक तथा दोहोरी गीत प्रतिष्ठान नेपाल युके शाखाका अध्यक्ष लक्ष्मण राना, तेज आले हिथ्रो एयरपोर्ट पुगेका थिए । ढकाल राष्ट्रिय लोक तथा दोहोरी गीत प्रतिष्ठान नेपालका उपाध्यक्ष, लामिछाने सहकोषाध्यक्ष हुन् । ढकाल, लामिछानेलगायत लाइभ दोहोरीमा ख्याती कमाएका कलाकारहरु हुन् । लामिछाने र ढकालको यो बेलायत भ्रमण तेस्रो हो ।

उक्त कार्यक्रमका लागि जमुना रानामगर, कुमारी चेपाङ, मनमाया वाइबा, प्रेम विवश घर्तीलगायत कलाकार पनि बेलायत आइसकेका छन् ।

टिकटदर एड्भान्स लिनेलाई १० पाउन्ड र डोरमा लिनेका लागि १५ पाउन्ड तोकिएको छ । बेलायतमा रहेका लोक तथा दोहोरी गीतलाई माया गर्ने सबैलाई प्रतिष्ठानले कार्यक्रममा आमन्त्रण गरेको छ । ‘परदेशी भूमिबाट नेपाली कला संस्कृति लोक तथा दोहोरी गीतको संरक्षण, संवर्द्धन र उत्थानका लागि जुटौँ’ नारासहित सन् २०१४ मा शाखाको स्थापना भएको हो ।

प्रकाशित मिति: शुक्रबार, जेठ ४, २०८१ १२:०८

प्रतिक्रिया दिनुहोस्