काठमाडौँ । वरिष्ठ हास्य कलाकार तथा गायक मदनकृष्ण श्रेष्ठको आवाज रहेको जागरणमूलक गीत ‘मुटु पोल्ने छिया पार्ने’ सार्वजनिक भएको छ ।
आइतबार गायक श्रेष्ठले बिरुवामा पानी हालेर गीत सार्वजनिकीकरण कार्यक्रमको उद्घाटन गरेका थिए । सो अवसरमा हाइलाइटस् नेपाल युट्युब च्यानलबाट गीतको म्युजिक भिडियो प्रिमियर गरिएको थियो ।
कार्यक्रमको अध्यक्षता काठमाडौँको चाबहिलस्थित सेन्ट लरेन्स स्कुलका प्रिन्सिपल पुरुषोत्तम महर्जनले गरेका थिए । सुरेन्द्र महर्जनको शब्द रचना रहेको गीतमा शिव शाहीले संगीत भरेका छन् ।
यसैगरी, गीतको म्युजिक भिडियमा सञ्चारकर्मी राजेन्द्र डंगोलको छायांकन, सम्पादन र निर्देशन रहेको छ । भिडियो गीतको काठमाडौं, भक्तपुर र ललितपुरका विभिन्न ठाउँमा छायांकन गरिएको छ ।
भिडियोमा कृष्णभक्त महार्जन, सुरेन्द्र महार्जन, परी शाक्य, शान्ता प्रजापति, अस्त महर्जन, दीपक डंगोल र अजय महर्जनले अभिनय गरेका छन् ।
सन्ध्या घिमिरेले सञ्चालन गरेको कार्यक्रमा निर्देशक डंगोल, प्रिन्सिपल महर्जन, वरिष्ठ नाट्यकर्मी तथा लाकार कृष्णक्त महर्जन, नेपाल भाषा साहित्य तमुज्या काठमाडौँका अध्यक्ष रत्ना शेर्पा डंगोल, ब्लड डोनेसन एसोसिएसनका अध्यक्ष सानुबाबु प्रजापति र गायक श्रेष्ठले गीतसंगीतबारे मन्तव्य राखेका थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
