लन्डन । गीतकार तथा फोटो पत्रकार मिलन तमु र गायक रामकुमार (आरके) गुरुङको प्रस्तुति रोधीघरको आँगन-३ (जाला उमेर) चुड्का गीतको भ्यूज एक मिलियन नाघेको छ ।
आठ महिनाअघि आरके गुरुङ अफिसियल युट्युब च्यानलबाट सार्वजनिक भएको उक्त गीत आइतबारदेखि १० लाखभन्दा बढी दर्शक भएको हो । म्युजिक भिडियो टिमको तर्फबाट गायक तथा संगीतकार गुरुङले दर्शक/स्रोतालाई धन्यवाद दिएका छन् ।
'यहाँहरुको अमूल्य माया अनि निरन्तर साथले गर्दा आज रोधिघर ३ ले १० लाखभन्दा माथि दर्शक पाउन सफल भएका छौं, हामी सम्पूर्ण रोधीघर परिवार यहाँहरुप्रति हार्दिक धन्यवाद ज्ञापन गर्दछौं । यसै हौसलाको साथमा अझै धेरै मीठो मीठो नेपाली सांगीतिक कोसेलीहरु लिएर आउने छौं । आशा छ, यसरी नै साथ दिनुहुनेछ,' गायक गुरुङले फेसबुकमा लेखेका छन् ।
रोधीघरको आँगन ३ को जाला उमेरको शब्द मिलन तमुको, संगीत आरके गुरुङको रहेको छ भने स्वर तारा श्रीष, पवित्र गुरुङ र प्रितम गुरुङले दिएका छन् ।
तेजेन्द्र गुरुङले एरेन्ज गरेको म्युजिक भिडियोमा मोडल/नायक सुवास गुरुङ र नायिका/मोडल लक्ष्मी गुरुङले अभिनय गरेका छन् ।
दिप गुरुङको निर्देशनमा तयार भएको म्युजिक भिडियोको निर्तामा बेलायत निवासी समाजसेवी समेत रहेका मिलन तमु र बिमला तमु हुन् ।
विष्णुहरि तिमल्सिनाले सम्पादन गरेको भिडियोको पोस्ट प्रोडक्सन ज्योति प्रोडक्सन काठमाडौंले गरेको छ ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
