काठमाडौँ । कलाकार खुशी लिम्बूले अभिनेत्री तथा मोडल गरिमा शर्मासँग अभिनय गरेको म्युजिक भिडियो ‘वर्षगाँठको शुभकामना’ सार्वजनिक गरेका छन् ।
पत्रकारिता, समाजसेवा र एनआरएन अभियन्ता लिम्बूको यसअघि आफ्नै स्वर र अभिनयको ‘मैच्याङको गालाको कोठी’ गीतले निकै चर्चा बटुलेको थियो। जानु काम्बाङको शब्द रहेको वर्षगाँठको शुभकामनामा ताराप्रकाश लिम्बुले संगीत भरेका छन्। गीतमा संगीतकार लिम्बू र अन्नु चौधरीको आवाज रहेको छ।
सुरेश पाण्डे निर्देशित भिडियोलाई खुशी लिम्बू दम्पतीले ‘शताब्दीको एक चौथाइको आफ्नो प्रेमको उदाहरणीय नमुना’ भनेका छन् । भिडियोको दृश्यमा दम्पतीको घर र प्रेम भावलाई दर्साइए पनि पृष्ठभूमिमा काठमाडौँ उपत्यकासमेत देखाइएको छ । छायांकन वरिष्ठ छायाकार सौरभ लामा र हिमाल श्रेष्ठले गरेका हुन् ।
त्यस्तै श्रृङ्गार सञ्जु थलङ तथा प्रोडक्सन म्यानेजर मनोज जोशी हुन् । सांगीतिक क्षेत्रमा निकै व्यस्त गीतकार काम्बाङको रचनाले गीत, भिडियो र प्रेमभावबीच उत्कृष्ट संयोजन गरेको छ । सर्जकको संयुक्त प्रतिभाले गीत, संगीत र भिडियोलाई जीवन्तता प्रदान गरेको देखिन्छ ।
म्युजिक भिडियोको विशेष आकर्षण अभिनेत्री तथा मोडल गरिमा शर्मा हुन् । उनको अभिनय शैली र सुन्दरताले वर्षगाँठको शुभकामना म्युजिक भिडियोले दम्पतीबीचको प्रेमलाई मूर्तता दिएको छ । लिम्बू दम्पतीले भिडियोको अन्त्यमा सर्जक र सहयोगीप्रति कृतज्ञता ज्ञापन गर्दै आफ्ना परिवार, साथी र शुभचिन्तकलाई ‘विगत २५ वर्षसम्मको यात्राको प्रोत्साहन र शक्तिको श्रोत’ भनी उल्लेख गरेका छन् ।
‘वर्षगाँठको शुभकामना गीत र भिडियो हाम्रो प्रेमको शक्ति र दीर्घकालीन प्रतिबद्धताको सुन्दर प्रमाण हो,’ उनीहरूले भनेका छन्, ‘यो म्युजिक भिडियोलाई सबै खाले दर्शकले मन पराउनुका साथै मायालु जोडीका लागि प्रेरणाको श्रोत हुने अपेक्षा छ।’
भिडियोलाई एचडी र फोरके क्वालिटीमा खुशी लिम्बु युट्युब च्यानलमा हेर्न सकिन्छ। फेसबुक रील, इन्टाग्राम रील, टिकटक र आमेजन जस्ता अडियो प्लेटफर्ममासमेत उपलब्ध छ ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
