काठमाडौं । तामाङ भाषा सिक्न र सिकाउन सक्ने एप्लिकेशन सफ्टवेर (एप) को प्रवर्द्धनका लागि नेपाल तामाङ घेदुङले अपनत्व लिएको छ । सो एप निर्माण गरिरहेको संस्था इन्स्टिट्यूट फर सोसियो कल्चरल रिसर्च एण्ड एनालिसिसंग शुक्रबार घेदुङले प्रवर्द्धन गर्न आठ बुँदे समझदारी गरेको छ ।
समझदारीमा इन्स्टिट्यूट फर सोसियो कल्चरल रिसर्च एण्ड एनालिसिका संयोजक नवराज लामा र नेपाल तामाङ घेदुङको तर्फबाट महासचिव जगतमान लामा दोङले हस्ताक्षर गरेका छन् ।
हस्ताक्षर समारोहमा नेपाल तामाङ घेदुङका अध्यक्ष मोहन गोले, सहअध्यक्ष कुमारसिंह घिसिङ तथा इन्स्टिट्यूट फर सोसियो कल्चरल रिसर्च एण्ड एनालिसिसका सदस्य झलकमान तामाङ, सल्लाहकार कुमार यात्रु र कार्यक्रम सदस्य भीमबहादुर तामाङलगायतको उपस्थिति थियो ।
तामाङ भाषा बोल्न आवश्यक पर्ने आधारभूत शब्द र शब्दको वाक्यसहित तयार गरिने एप हालका लागि देवनागरी र अंग्रेजी लिपिमा तयार हुने छ । कालान्तरमा तामयीगलगायत अन्य लिपीमा पनि विस्तार गरिने कार्यक्रम संयोजक लामाले बताउनुभयो । यो एप नेपाली र अंग्रेजीमा रुपान्तरण हुने गरी तयार हुने छ । एपमा भाषा रुपान्तरणका साथमा सम्झिन सक्ने गरी खेल र चित्रहरु पनि राखिने छ । इन्टरनेटको पहुँच भएकाहरुले यो एप प्रयोग गरी भाषा सिक्न सक्ने र सिकाउन पनि सकिने आयोजकहरुको दाबी छ ।
तामाङ भाषा सिक्न खोज्ने भाषाप्रेमीलाई लक्षित गरी बनाईने यो एप्लिकेशन सफ्टवेर हो । कम्प्युटर वा मोबाइलमा सजिलै डाउनलोड गर्न सक्ने यो एपको निर्माण कार्य हाल ६० प्रतिशत सकिएको संयोजक लामाले बताए । एप निर्माणमा भाषाविद् अमृत योञ्जन तामाङले शब्द संग्रह गर्नुभएको छ भने काठमाडौं विश्वविद्यालयका सहप्राध्यापक डा. बालकृष्ण बलले मल्टिमिडिया र आइटीसम्बन्धी विज्ञता प्रयोग गरिरहेका छन् ।
समझदारी आदानप्रदान कार्यक्रममा घेदुङका अध्यक्ष गोलेले एप निर्माणमा तामाङहरुको जातीय संस्था घेदुङले सबै किसिमको सहयोग गर्ने प्रतिबद्धता व्यक्त गरे ।
इन्स्टिट्यूट फर सोसियो कल्चरल रिसर्च एण्ड एनालिसिसका संयोजक लामाले एप निर्माणको ऐतिहासिक काममा घेदुङले यसरी आफ्नो समूहको कामलाई अपनत्व तथा प्रवर्द्धनको लागि सहमति देखाएकोमा आभार व्यक्त गरे । महासचिव जगतमान दोङले पनि यो निकै सहरानीय काम भएको र यसको सफलताको लागि शुभकामना ब्यक्त गरेका थिए ।
समझदारी पत्रमा यसको आर्थिक भार संस्थाले व्यहोर्ने र प्रवर्द्धन घेदुङले गर्ने लगायतका आठ बुँदा रहेको छ ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
