शनिबार पोखरामा खुला तामाङ सेलो नृत्य प्रतियोगिता, निर्णायकमा जसु गुरुङसहित ३ जना

मनोरञ्जन

Home
मनोरञ्जन
शनिबार पोखरामा खुला तामाङ सेलो नृत्य प्रतियोगिता, निर्णायकमा जसु गुरुङसहित ३ जना

शनिबार पोखरामा खुला तामाङ सेलो नृत्य प्रतियोगिता, निर्णायकमा जसु गुरुङसहित ३ जना

गोर्खा मिडिया संवाददाता बिहीबार, माघ ४, २०८०

पोखरा । नेपाल तामाङ घेदुङ पोखरा महानगर समितिले पोखरामा पहिलो संस्करणको ‘खुला तामाङ सेलो नृत्य प्रतियोगिता’ आयोजना गर्ने भएको छ ।

मञ्जुश्री संवत् २८६० औं सोनाम ल्होछार डुक ल्हो (ड्रागन वर्ग) को अवसरमा यही माघ ६ गते (शनिबार) न्यूरोडस्थित सिटी स्क्वायरमा खुला तामाङ सेलो नृत्य प्रतियोगिता तथा विविध सांस्कृतिक कार्यक्रम आयोजना गरिने कार्यक्रम संयोजक जसपाल पाख्रिन तामाङले जानकारी दिए । उनले २० भन्दा बढी टिमले दर्ता गरिसकेको भन्दै शनिबार बिहान १० बजेसम्म टिम दर्ता गर्न सकिने बताए । उनका अनुसार प्रतियोगिताको विजेता समूहले नगद ३० हजार, ट्रफी र प्रमाणपत्र प्राप्त गर्नेछन् ।

यस्तै द्वितीय हुने समूहले नगद २५ हजार ट्रफी र प्रमाणपत्र हात पार्नेछन् भने तृतीय हुने टिमले नगद १५ हजार साथमा ट्रफी र प्रमाणपत्र प्राप्त गर्नेछन् । संयोजक तामाङले सान्त्वना स्थान हाँसिल गर्ने टिमलाई नगद १० हजार ट्रफीसहित प्रमाणपत्र प्रदान गरिने बताए । उनले तामाङ समुदायको संस्कृतिलाई संरक्षण, संवर्द्धन र प्रवर्द्धन गर्ने उद्देश्यसहित कार्यक्रम आयोजना गरिएको भन्दै प्रतियोगितामा तामाङ समुदाय बाहेक अन्य समुदायका नृत्य समूहले पनि सहभागिता जनाउन पाउने तामाङले बताए ।

प्रतियोगिताको निर्णायकमा जसु गुरुङ, सुवास राई र अमन तामाङ रहने छन् भने गायक विश्व दोङ तामाङ र लक्ष्मी डिम्डुङ तामाङले सांगीतिक प्रस्तुति राख्ने आयोजकले जनाएको छ ।

प्रकाशित मिति: बिहीबार, माघ ४, २०८० १२:०२

प्रतिक्रिया दिनुहोस्