काठमाडौं । लोकप्रिय गायक प्रकाश सपूतको नयाँ गीत सार्वजनिक भएको छ । ‘मुटु कटक्कै’ बोलको गीत उनले सोमबार सार्वजनिक गरेका हुन् ।
गीतमा शब्द तथा संगीत प्रकाश स्वयंको छ । स्वरमा प्रकाशलाई कुशल बेलबासे र प्रताप दासले साथ दिएका छन् ।
गीतले माया नलाको मान्छे कोही पनि नहुने र मायामा पीडा नपाएको व्यक्ति पनि कोही नहुने उल्लेख गरेको छ । तर मायामा पीडा पाउने पुरुषलाई मन बहलाउने ठाउँ हुने तर महिलालाई भने एकछिन भए पनि मन भुलाउने ठाउँ नहुने कथा गीत र भिडियोले भन्छ । र, महिलाको लागि पनि रुने ठाउँको माग गरिएको छ ।
गीतको भिडियो निर्देशन पनि प्रकाश स्वयंको छ । प्रकाश सपूतसँगै कुशुम शर्मा,
रोश्नी कार्की, विजय पुन, प्रवीण भट्ट, सुनिल बिक, प्रखर सपूत, विशाल घिमिरे मिलन विश्वकर्मा लगायत कलाकार छन् ।
संगीत संयोजन सुदीप सागरको हो भने ध्वनी मिश्रण श्यामश्वेत रसाइली, प्रिज्म स्टुडियो, रेकर्डिस्ट गोविन्द अनेक र कमल थापा छन् ।
भिडियो निर्माणमा लन्डनस्थित न्यू लक्ष्मी ज्वेलर्सको पनि सहयोग छ ।
-1732408259.jpg)
-1732095969.jpg)
-1732504368.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
