लन्डन । बेलायतवासी पुराना नायक तथा व्यवसायी अजय शेखर प्रधानले ‘यता पनि हेर’ बोलको गीतमा निर्मित म्यूजिक भिडियो ल्याएका छन् ।
पीपीएन प्रोडक्सन यूकेले आफ्नै युट्युब च्यानलमार्फत उक्त म्यूजिक भिडियो शुक्रबार सार्वजनिक गरेको हो ।
बेलायतमा पूर्ण छायांकन गरिएको सम्भवत: पहिलो नेपाली चलचित्र ‘कस्तुरी’ मा नायिका करिश्मा मानन्धरसँग खेलेका नायक अजयले किरण प्रधानको शब्द/संगीत रहेको ‘यता पनि हेर’ गीत गाएका हुन् । उनले आफ्नो गीतलाई श्रोता दर्शकले रूचाउने विश्वास पनि व्यक्त गरेका छन् । गीतमा कोरस सिंगरको रुपमा किरण प्रधान र सुवर्ण लिम्बुले साथ दिएका छन् ।
प्रभु गुरुङको निर्देशन रहेको म्यूजिक भिडियोमा दीपा लिम्बु र रमण डंगोलले ‘डेब्यू’ गरेका छन् । गुरुङले यसअघि नेपाल र बेलायतमा दर्जनौं म्यूजिक भिडियो निर्देशन गरिसकेका छन् । म्यूजिक भिडियोमा सुमन श्रेष्ठको छायांकन, फडिन्द्र राईको एरेन्ज र नवीन निरौलाको सम्पादन छ । मेकअप अनुपम लिम्बुले गरेकी छन् ।
बिहीबार उक्त म्यूजिक भिडियोको लन्डन साउथ ह्यारोस्थित गोल्डेनसीप रेस्टुरेन्टमा ‘प्रिमियर शो’ गरिएको थियो । कार्यक्रममा गायक अजय शेखर, निर्देशक प्रभु गुरुङ र कलाकारहरुले आ-आफ्नो अनुभव सुनाएका थिए ।
फिल्म निर्देशक सनमकुमार बैराग, मोडल, कलाकार तथा नर्स प्रसुना कँडेल, प्रशान्त खड्का, दिपक माइथाने मगर लगायतले शुभकामना दिएका थिए ।
-1732408259.jpg)
-1732095969.jpg)
-1732504368.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
