२५ औं पोखरा सडक महोत्सव: झाँकीमा यसरी पोखियो जातीय समिश्रण (फोटो फिचर)

मातृभूमि नेपाल

Home
मातृभूमि नेपाल
२५ औं पोखरा सडक महोत्सव: झाँकीमा यसरी पोखियो जातीय समिश्रण (फोटो फिचर)

२५ औं पोखरा सडक महोत्सव: झाँकीमा यसरी पोखियो जातीय समिश्रण (फोटो फिचर)

गोर्खा मिडिया संवाददाता बिहीबार, पुस १२, २०८०

पोखरा । रेवान पोखरा आयोजनामा पोखरामा बिहीबारदेखि २५ औं पोखरा सडक महोत्सव सुरु भएको छ । आयोजकले महोत्सवलाई फेवाताल किनार लेकसाइडमा ५ दिनसम्म विविध कार्यक्रम गरी रजत महोत्सवको रुपमा मनाउँदैछ ।

महोत्सवको पोखरा महानगरपालिकाका प्रमुख धनराज आचार्यले दीयो बालेर तथा बेलुन उडाएर समुद्घाटन गरे ।

महोत्सव उद्घाटनपूर्व विभिन्न कला संस्कृति, जातजाति, भेषभूषा झल्किने झाँकी प्रस्तुति मुख्य आकर्षणको केन्द्र रह्यो । हल्लनचोकदेखि सुरु भएको र्‍यालीमा विभिन्न जातजातिका मानिसहरु आफ्नो जातीय पोशाकमा सजिएका थिए । तमु धिं नेपाल ताङतिङ दूधपोखरी तमु समाज लगायत आ–आफ्नो ब्यानरसहित उपस्थित भएका थिए । पञ्चेबाजा, भजन, नाचगानसहित र्‍याली महोत्सवस्थल ३ किमी दुरी पार गर्दै कोमागाने पार्कमा आयोजित उद्घाटन समारोहमा परिणत भएको हो । २५ वर्षअघि फुड फेस्टिभलबाट सुुरु यो महोत्सव नेपालमै सबैभन्दा ठूलो क्षेत्रफलमा हुने महोत्सव हो ।

street (5)1703757731.jpg

street (4)1703757729.jpg

street (2)1703757725.jpg

आन्तरिक एवं बाह्य पर्यटन प्रवद्र्धनका अंग्रेजी नयाँ वर्ष अवसरमा आयोजित महोत्सवमा करिब ५ लाख पर्यटक आउने आयोजक रेवान पोखरा अध्यक्ष नरेश भट्टराईले बताए । ‘सडकमै खाऔं, सडकमै नाचौं, सडकमै रमाऔं’ नाराका साथ महोत्सव पुस १२ देखि १६ सम्म चल्नेछ ।

जसमा विभिन्न प्रकारका खानाका परिकार, गीतसंगीत, स्थानीय उत्पादनको प्रदर्शन लगायत हुने छ्न । गोर्खा बु्रअरी महोत्सवको मुख्य प्रायोजक हो । जसमा दैनिकरुपमा कलाकारले प्रस्तुति राख्ने छन् ।

street (1)1703757724.jpg