लन्डन । संसारकै प्रतिष्ठित ब्रिटिश एकेडेमी अफ फिल्म एन्ड टेलिभिजन आर्टस् (बाफ्टा) अवार्डमा नेपाली चलचित्र ‘गोर्खा वारियर’ ले प्रवेश पाएसँगै यसको चर्चा चुलिएको छ।
अस्करपछि दोस्रो ठूलो मानिने बाफ्टा फिल्म अवार्ड–२०२४ समारोह आगामी १८ फेब्रुअरीमा साउथ बैंक सेन्टर लन्डनमा हुँदैछ । त्यसको नोमिनेसन नतिजा १८ जनवरीमा आउनेछ ।
निर्देशक मिलन चाम्स निर्देशित ‘गोर्खा वारियर’ ले नेपाली इतिहासमा पहिलो पटक बाफ्टामा इन्ट्री पाएको हो । अब उसले लङ लिस्टका लागि हलिउड फिल्महरुसँग प्रतिस्पर्धा गर्नेछ । बेस्ट फिल्म, एक्टर, डाइरेक्टर, फिल्म (अंग्रेजी बाहेक) र बेस्ट ब्रिटिश फिल्म क्याटेगोरीमा गोर्खा वारियरको प्रतिष्पर्धा हुने छ ।
बाफ्टामा प्रवेश पाएकामा निर्देशक चाम्सले निकै खुसी व्यक्त गरे । उनले भने, ‘हार्नु जित्नु अलग कुरा हो तर गोर्खा वारियरले इतिहास राख्ने काम जारी छ ।’ उनले धेरै चरणपछि हजारौं फिल्ममध्येबाट बाफ्टामा प्रवेश पाएको बताउंदै अब अन्य नेपाली सिनेमा पनि सहभागी हुनुपर्नेमा जोड दिए । सर्वोत्कृष्ट निर्देशनका लागि राष्ट्रिय र अन्तर्राष्ट्रिय पुरस्कारद्वारा सम्मानित मिलन आफैँ पनि पूर्व सैनिक हुन् ।
फिल्ममा नायक रितेश चाम्ससहित विजय लामा, रेविका गुरुङ, रियर राई, कविता आले, सुरज तमु, भुवन सिंह राई, त्रिचु राई, दिग्गज खत्री, सरोज खालिङ, अरुष सरु मगर, आशिष गुरुङलगायतको अभिनय छ ।
नेपाल र मलेशियामा छायांकन गरिएको फिल्ममा निर्देशक चाम्स र गिरिराज घिमिरेको लेखन, अर्जुन जिसीको सम्पादन, सुदीप बरालको डीओपी, हिमाल केसीको द्वन्द्व निर्देशन, समीर मियाँको भिएफएक्स, शैलेन्द्र खनाल ‘शरद’ को गीत रचना र एलिस कार्कीको संगीत रहेको छ ।
लन्डन सिनेआई प्रोडक्सनको प्रस्तुति र चाम्स इन्टरटेनमेन्टको सहकार्यमा निर्मित यो चलचित्रको कार्यकारी निर्मातामा प्रशान्त थापा, राजेन्द्र घिमिरे एवं सहनिर्मातामा सुरेश राई रहेका छन् । एकान्टिङ पार्टनर ह्याम्सायर एकाउन्ट्स् हो ।
ब्रिटिस सेनामा गोर्खा भर्तीको इतिहास झण्डै २०८ वर्ष लामो हो । ब्रिगेड अफ गोर्खाजले बेलायतका लागि कयौं देशमा लडेको इतिहास छ । तीमध्ये गोर्खाहरुले मलाया आपतकालका बेला कम्युनिष्ट आतंककारीसँग सन् १९४८ देखि १९६० सम्म झण्डै १२ वर्ष लडेर वीरता प्रदर्शन गरेका थिए । मलाया युद्धमा वीरताको कथामा आधारित ‘गोर्खा वारियर’ गत १० सेप्टेम्बरमा लन्डनको लेस्टर स्क्वायरस्थित आइम्याक्स सिनेवल्र्डमा अन्तर्राष्ट्रिय रेडकार्पेट प्रिमियर भएको थियो ।
16943635011702396668.jpg)
![निष्ठुरी दैव [कविता]](https://gurkhamedia.com/uploads/posts/ratna-gurung-1744036920.jpg)
-1753031559.jpg)
![ब्रिगेड अफ गोर्खाज् भेला र नेपाल कप २०२५ सम्पन्न [तस्बिरहरु]](https://gurkhamedia.com/uploads/posts/514783321_724763453672742_4654358564625962024_n-1751782941.jpg)
