४२ हजारले घुमे पाेखराकाे गोर्खा मेमोरियल म्यूजियम, के छ म्यूजियमभित्र ? (फोटो फिचर)

मातृभूमि नेपाल

Home
मातृभूमि नेपाल
४२ हजारले घुमे पाेखराकाे गोर्खा मेमोरियल म्यूजियम, के छ म्यूजियमभित्र ? (फोटो फिचर)

४२ हजारले घुमे पाेखराकाे गोर्खा मेमोरियल म्यूजियम, के छ म्यूजियमभित्र ? (फोटो फिचर)

गोर्खा मिडिया संवाददाता बिहीबार, मंसिर १४, २०८०

पोखरा । पोखराको दीपस्थित गोर्खा मेमोरियल म्युजियमको गत वर्ष ४२ हजार जनाले अवलोकन गरेका छन् ।
म्यूजियमका म्यानेजर ठकबहादुर पुनका अनुसार गत आर्थिक वर्ष २०७९/८० मा आन्तरिक एवं बाह्य पर्यटक गरी ४२ हजार जनाले अवलोकन गरेका हुन् । कोरोना भित्रिएपछि पर्यटक कमी हुँदै गएकोमा गत वर्ष भने राम्रै पर्यटक आएको उनकाे भनाइ थियो ।

ब्रिटिस गोर्खाहरुको बारेमा सम्पूर्ण जानकारी दिने यो म्यूजियम केआईसिं पुल नजिकै छ । जसले गोर्खालीहरुको सम्पूर्ण जानकारी दिन्छ । बेलायती सेनामा सेवा गरेका लाहुरेहरुको बहादुरीको झल्को दिने यो संग्रहालयमा गोर्खाली सेनाको इतिहास, लाहुरेले युद्धमा प्रयोग गरेका सामग्री, तस्बिर लगायत ५ हजारभन्दा बढी सामग्री देख्न सकिन्छ । नेपाली भर्ति भएको मानिने सन् १८१५ देखि सन् २०१५ सम्म करिब २ सय वर्षको इतिहास छ ।

gurkha musium (4)1701333534.jpg

दसैं र तिहारमा एक–एक दिनमात्र बन्द हुने यो संग्रहालय अरु बेला सधैं बिहान ८ देखि दिउँसो साढे ४ बजेसम्म घुम्न सकिन्छ । घुम्नका लागि कहिलेकाहीँ त समूहमा आउने आन्तरिक एवं बाह्य पर्यटकका लागि घुइँचो नै लाग्छ ।

टिकटदर पनि फरक/फरक तोकिएको म्यानेजर पुनले बताए । जसमा नेपालीको ५०, सार्की राष्ट्रका लागि १५० र अन्य मुलुकलाई २५० रुपैयाँ लाग्छ । समूहमा आउने विद्यार्थीले भने ५० प्रतिशत छुट प्राप्त गर्ने छन् । उक्त समूहका शिक्षकले भने निःशुल्क घुम्छन् । पोखरामा सन् २००४ देखि सञ्चालित यो संग्रहालयको विधिवत् उद्घाटन सन् २००९ मा आएरमात्र गरिएको थियो ।

gurkha musium (8)1701333554.jpg

क्याप्टेन एकनारायण गुरुङ संस्थापक अध्यक्ष रहेको यो संग्रहालय सन् १९९६ मा काठमाडौंमा सुरु भएको थियो । तर संग्रहालय त्यहाँ नचलेपछि सन् २००१ मा पोखरा सारिएको थियो । पोखरा १७, बिरौटास्थित होटल नेचर ल्याण्डको कम्पाउण्डभित्र भाडामा लिएर सञ्चालन भएकोमा दीपमा भवन निर्माण थालेसँगै सन् २००५ जुलाईबाट सारिएको थियो।

यहाँ ९ जना पूर्णकालीन र १ आंशिक गरी १० कर्मचारी कार्यरत छन् । संग्रहालय संचालनका लागि अध्यक्षको जिम्मेवारी गत अगस्तदेखि क्याप्टेन कर्णबहादुर थापाले जिम्मेवारी लिएका छन्।

gurkha musium (14)1701333578.jpg