दुर्लुङ समाज युकेका अध्यक्ष कुलराज गुरुङलाई पोखरामा सम्मान

मातृभूमि नेपाल

Home
मातृभूमि नेपाल
दुर्लुङ समाज युकेका अध्यक्ष कुलराज गुरुङलाई पोखरामा सम्मान

दुर्लुङ समाज युकेका अध्यक्ष कुलराज गुरुङलाई पोखरामा सम्मान

गोर्खा मिडिया संवाददाता आइतबार, मंसिर ३, २०८०

पोखरा । दुर्लुङ समाज युकेका अध्यक्ष कुलराज गुरुङलाई पोखरामा सम्मान गरिएको छ ।

नेपाल मगर सांस्कृतिक संघ समन्वय समिति कास्कीले शनिबार एक समारोहबीच मगर भवनमा अध्यक्ष गुरुङलाई स्वागत, सम्मान गरेको हो । अध्यक्ष गुरुङलाई नेपाल मगर सांस्कृतिक संघ समन्वय समिति कास्कीकी अध्यक्ष गायिका सरिता सारु मगरले फेटा, टीका लगाइदिएकी थिइन् । त्यस्तै संस्थाको तर्फबाट खुर्पेटो आकृतिमा रहेको घडी उपहार पनि अध्यक्ष गुरूलाई प्रदान गरिएको थियो ।

अध्यक्ष गुरुङले आफूलाई स्वागत, सम्मान गरेकोमा नेपाल मगर सांस्कृतिक संघ कास्कीकी अध्यक्षसहित सम्पूर्ण कार्यसमिति र सदस्यहरुलाई धन्यवाद दिए । उनले मगर सांस्कृतिक संघ १० हजार रूपैयाँ नगद सहयोगसमेत गरेका थिए । सहयोग रकम कोषाध्यक्ष सोममाया आलेले ग्रहण गरेकी थिइन् ।

मगर सांस्कृतिक संघ कास्की अध्यक्ष सारुमगरले दुर्लुङ समाज युकेका अध्यक्ष कुलराज गुरुङलाई स्वागत गर्न पाउँदा धेरै खुसी लागेको बताइन् । अध्यक्ष गुरूङले मगर सांस्कृतिक संघको सहयोग अभियान र समाजमा पुर्‍याएको योगदानको कदर स्वरूप सम्मान गरिएको अध्यक्ष सारूमगरले प्रस्ट पारिन् ।

महासचिव बसन्ती थापामगरले सञ्चालन गरेको कार्यक्रममा संघका पदाधिकारी र कार्यसमिति सदस्यहरु तथा शुभचिन्तकहरुको उपस्थिति थियो ।

प्रकाशित मिति: आइतबार, मंसिर ३, २०८० १४:३८

प्रतिक्रिया दिनुहोस्