मंसिरमा गुरुङ चलचित्र ‘सैंर्वे ट’ को प्रिमियर शो

मनोरञ्जन

Home
मनोरञ्जन
मंसिरमा गुरुङ चलचित्र ‘सैंर्वे ट’ को प्रिमियर शो

मंसिरमा गुरुङ चलचित्र ‘सैंर्वे ट’ को प्रिमियर शो

गोर्खा मिडिया संवाददाता बिहीबार, कात्तिक २३, २०८०

पोखरा । गुरुङ चलचित्र ‘सैंर्वे ट’ (मनको फूल) को पोखरामा प्रिमियर शो हुने भएको छ । आगामी मंसिर ९ गते पोखराको सिने प्लेक्समा उक्त फिल्मको प्रिमियर शोको तयारी गरिएको छ ।

सञ्चारकर्मीसमेत रहेकी पोखराकी रत्ना गुरुङद्वारा लिखित तथा निर्देशित यो फिल्ममा विश्वात्मा गुरुङ र कृष्टि गुरुङको मुख्य अभिनय छ । साथै गजेन्द्र गुरुङ, सूर्य सुनुवार, डिबी गुरुङ, लालशोभा गुरुङ, प्रकृति गुरुङ, राममाया गुरुङ लगायत कलाकारको भूमिका छ ।

माओत्से गुरुङ फिल्मसकाे सहकार्यमा उचाइ स्टुडियो प्रालिको ब्यानरमा निर्मित चलचित्र गुरुङ समुदायको संस्कार, संस्कृति र परिवेशमा आधारित चलचित्रमा प्रेमको विषयलाई केन्द्रमा राखेर निर्माण गरिएको हो ।

पारिवारिक एवं प्रेमकथामा आधारित चलचित्रको छायांकन स्याङ्जाको कोल्मा, पोखरीछाप तथा पोखराका विभिन्न स्थानमा गरिएको छ । सैंर्वे टको सम्पादन दीपेश गुरुङले गरेका छन् भने छायांकन सन्देश गुरुङको हो ।

निर्मातासमेत रहेकी निर्देशक गुरुङले फिल्ममा प्राविधिक पक्षमा नयाँपनको अभ्यास गरिएको बताइन् । उनले यसअघि लघु चलचित्र म्हैता (पाइला) को पनि निर्देशन गरेकी थिइन् ।

प्रकाशित मिति: बिहीबार, कात्तिक २३, २०८० २२:३३

प्रतिक्रिया दिनुहोस्