लन्डन । बेलायतमा ७ अक्टोबरमा हुने 'गंगाराज राई एकल साँझ' को तयारी अन्तिम चरणमा
नेपाली कला साहित्य मञ्च यूकेको तर्फबाट संयोजक डा. अनिल राईले सोमबार ४ सेप्टेम्बरमा विज्ञप्ति जारी गर्दै सेन्ट साइमन हल आसफोर्ड केन्टमा हुने उक्त सांगीतिक कार्यक्रमको तयारी करिब अन्तिम चरणमा पुगेको जानकारी दिएका हुन् ।
गायक गंगाराज राई नेपाली गीत, संगीत साधनामा निरन्तर साधनारत रहेको दुई दशक पुगेको अवसरमा कार्यक्रम आयोजना गर्न लागिएको संयोजक राईले बताए । गंगाराज राई एकल साँझ कार्यक्रम प्रत्यक्ष अर्थात् जीवन्त बाद्यबादकहरुसहित हुनेछ । कार्यक्रमका लागि सगरमाथा गोर्खा नेपाली कम्युनिटी आसफोर्ड र नेपाली कलाकार प्रस्तोता समाज बेलायतसँग सहकार्य गरिने भएको छ ।
गायक गंगाराज राई सन् २०१० यता सपरिवार बेलायतमा बसोबास गर्दै आएका छन् । पूर्वी नेपालको माझ किरात भोजपुर जिल्लामा जन्मिएका गायकले वि.सं २०६४ मा, रेडियो नेपालको आधुनिक गीत गायनमा स्वर परीक्षा पास गरेका थिए । वि.सं २०५८ सालमा आफ्नै शब्द र संगीतमा रेकर्डेड 'माया पायौ कि अरुलाई दियौ' बोलको गीत उननको पहिलो रेकर्डेड गीत हो । 'कहाँबाट सुनाऊँ म', 'दिन छैन तिमीलाई नसम्झेको', 'यस्तो एउटा संसार खोज्न', 'हिजो थियौ तिमी मेरी' आदि बोलका गीतहरु गायक राईका चर्चित गीतहरु हुन् । उनका एक सयभन्दा बढी गीतहरु रेकर्ड भइसकेका छन् ।
एकल साँझमा प्रसिद्ध संगीतकार गणेश गुरुङ (हार्मोनियम/किबोर्ड), महेश गुरुङ (तबला), थिर थापा (हार्मोनियम/किबोर्ड), ईन्द्र गुरुङ (बाँसुरी/सेक्सोफोन), रेशम पाचे (ढोलक/मादल), सुरज गुरुङ (लीड गितार), विकल थापा (रिदम गितार), होइशेर तामाङ (बास गितार) र प्रभास गुरुङ (ड्रम) रहनेछन् ।
कार्यक्रममा उपस्थित भइदिएर मनोरञ्जन लिँदै, एकल साँझलाई सबैको साँझमा परिणत गरिदिन आयोजकले अपिल गरेको छ ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
