पाेखरा। तमु सांस्कृतिक प्रतिष्ठान नेपालको शनिबार २१ औं वार्षिक साधारणसभा पोखरामा सम्पन्न भएको छ ।
प्रमुख अतिथि गण्डकी प्रदेश आर्थिक मामिला मन्त्रालयका कम्प्युटर अधिकृत तथा संस्थाका सल्लाहकार तेज च्हाक्ली तमुले संस्थाको काम प्रशासनिक रूपमा चुस्तदुरुस्त तरिकाले सार्वजनिक हुनुपर्नेमा प्रतिष्ठानले यो मान्यता र कार्यलाई इमानदारीपूर्वक निर्वाह गरेको बताए ।
गुरुङ साहित्यिक मञ्च नेपाल अध्यक्ष गौरी तमुले समुदायलाई हरेक क्षेत्रमा पहुँच पु¥याउन र विकास गर्न शिक्षा, सञ्चार र साहित्यमा अग्रसर हुनुपर्ने बताइन् ।
तमु सांस्कृतिक प्रतिष्ठान विद्यार्थी समिति अध्यक्ष सुदीप तमु, तमु धीं नेपाल महिला समिति अध्यक्ष पवित्रा तमु, प्रतिष्ठान प्रथम उपाध्यक्ष श्रीजङ तमुले मन्तव्य राखेका थिए ।
संस्थाका आजीवन सदस्य मनकुमारी तमुले बावु केशबहादुर तमु र आमा वीरमाया तमुको स्मृतिमा एक विद्यार्थी छात्रवृत्ति बराबरको रकम १ लाख २५ र अक्षयकोष स्थापना गरेकी छन् ।
तमु समाज बेल्जियमका निवर्तमान अध्यक्ष ओमराज तमु र उनकी श्रीमती टीकादेवी तमुले पनि बुवा यमबहादुर र आमा मनकाउरीको स्मृतिमा अक्षयकोष रकम १ लाख २५ हजार प्रतिष्ठानलाई प्रदान गरे ।
नवनियुक्त विद्यार्थी समिति अध्यक्ष सुदीप तमुलाई मूल समितिको पदेन सदस्यमा मनोनीत भए ।
कार्यक्रममा सचिव कञ्चन तमुले प्रस्तुत गरेको संस्थाको प्रगति प्रतिवेदन र कोषाध्यक्ष श्यामबहादुर तमुले प्रस्तुत गरेको आर्थिक प्रतिवेदनलाई सभाले अनुमोदन गरेको छ । प्रतिष्ठान अध्यक्ष चित्रबहादुर तमुको अध्यक्षतामा भएको कार्यक्रमको सञ्चालन सहसचिव भेषराज तमुले गरेका थिए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
