पोखरा । प्रधानमन्त्री तथा माओवादी केन्द्र अध्यक्ष पुष्पकमल दाहाल प्रचण्डले सरकार भ्रष्टाचारविरुद्ध अभियानमा लागेको बताएका छन् । साथै उनले समाजवादी मोर्चा मोर्चामा मात्र सीमित नरहेको स्पष्ट पारे ।
‘भ्रष्टाचारका कारण देश थिलोथिलो भएको छ । राज्य नै संस्थागत भ्रष्टाचारमा संलग्न हुने परिस्थिति गम्भीर छ,’ पोखरामा शुक्रबार आयोजित समाजवादी मोर्चाको सन्देशसभालाई सम्बोधन गर्दै उनले भने, ‘त्यसलाई तोड्न नक्कली भुटानी शरणार्थी प्रकरण, ललिता निवास प्रकरणमा सरकार कठोर रूपमा प्रस्तुत भएको छ ।’
यसैगरी उनले ललिता निवास सरकारी जग्गामाथि संस्थागत तस्करी अन्त्य गर्ने कुरा छ भन्दै सुन तस्करीहरूको भयानक जालो तोड्ने कुरा छ भने । ‘मिटरब्याज पीडित गरिब किसानहरूको पक्षमा प्रहार ग¥यौं, ऐन बनायौं, आयोग बनायौं । जनयुद्ध दिवस, सहिद घोषणा ग¥यौ ं। देश र जनताको पक्षमा लिइएका पहलहरू सामान्य प्रकृतिका छैनन्, दूरगामी महत्वका छन्,’ उनले दाबी गरे ।
ललिता निवासको सरकारी जग्गा हिनामिना प्रकरणमा पूर्व प्रधानमन्त्री माधवकुमार नेपाल निर्दोष सावित भइसकेको पनि प्रचण्डले बताए । ‘माधवजीका बारेमा पनि धेरै प्रश्नहरु आइरह्यो तर पहिलो चोटी उहाँ निर्दोष हुनुभयो भन्ने सावित भएको छ । औपचारिक ढंगले सावित भएको छ । फेरि प्रश्न उठाउने ठाउँ रहेन,’ उनले भने, ‘सिआइबीले बयान लियो, बयानबाट मुद्दा चलाउन नपर्ने भनेर लिखित रुपमा दिएको छ । सधैँको टेन्सन सकियो ।’
जलवायु परिवर्तन नेपालको मात्रै नभएर सिंगो विश्वको मुद्दा भएकोले अमेरिका भ्रमणको क्रममा संयुक्त राष्ट्रसंघको महासभामा नेपालले जलवायु परिवर्तनका कारण नेपाल लगायत तेस्रो मुलुकले भोग्नुपरेका समस्याबारे प्रमुख रूपले कुरा उठाउने उनले उद्घोष गरे ।
‘केही दिनपछि म संयुक्त राष्ट्रसंघको महासभामा जाँदैछु । यसपटक मैले जलवायु परिवर्तन र त्यसले नेपाललगायत तेस्रो विश्वले भोग्नुपरेका समस्याबारे गम्भीर रूपले कुरा उठाउँछु,’ उनले भने, ‘आज जलवायु परिवर्तन र विश्व तापमान वृद्धिले सिंगो मानव जातिको भविष्यमा नै चुनौती खडा भएको छ ।’
उनले यो सरकार सुझबुझपूर्ण ढंगले गठन भएको दाबी गर्दै उनले राजनीतिक मोर्चामा पनि आफूहरु सफल अवतरण गरिरहेको बताए । ‘समाजवादी मोर्चा कुनै आवेगमा बनाइएको होइन, सानो उद्देश्य लिएर बनाइएको पनि होइन, निर्वाचनको उद्देश्यमा आधारित भएर मात्रै पनि मोर्चा बनाइएको होइन,’ उनले भने, ‘यो मोर्चा समाजवादका निम्ति, नयाँ अभियान र नयाँ संस्कृतिका निम्ति हो ।’
उनले भने, ‘धेरैजसो जनयुद्धका सहयोद्धा यहाँ छौं । विप्लवजी, उपेन्द्रजी पनि हिजो सँगै हुनुहुन्थ्यो । माधवजी पनि एउटै पार्टीमा काम गर्नुभया । मलाई खुसी छ । सबै कम्युनिस्ट क्रान्तिकारीहरू, समाजवादीहरू, लोकतान्त्रिक शक्तिको मोर्चा बनाउने र प्रकारान्तरमा एउटै कम्युनिस्ट पार्टी बनाउने संकल्प रहेको छ ।’ उनले समाजवादी मोर्चाबाट सकेसम्म जनमुखी काम गरिरहेको प्रचण्डले दाबी गरे
पूर्व प्रधानमन्त्री तथा एकीकृत समाजवादीका अध्यक्ष माधवकुमार नेपालले आफूहरु कसैको विपक्षमा नभई देश र जनताको हितमा अगाडि बढ्न चाहेको बताए ।
नेकपा महासचिव नेत्रविक्रम चन्द विप्लवले पूर्व माओवादीलाई जेल पु¥याउने षड्यन्त्र भएपछि आफूहरु एउटै मैदानमा जोडिएको बताए ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
