काठमाडौं । गायक बिमल परियारको ‘कहाँको साइनो’ गीतले करोड क्लबमा प्रवेश गर्न सफल भएको छ ।
सुमधुर स्वरका धनी कस्केली यी गायकले उक्त गीत केही महिनाअघिमात्र बिमल परियारको युटुब च्यानलबाट सार्वजनिक भएको थियो । गीतमा बिमलसहित शान्ति श्री परियारको स्वर छ ।
चर्चित सर्जक शिव हमालको शब्द र बिमलकै संगीत रहेको गीतको म्युजिक भिडियो निर्देशन मौसम हिमालीले गरेका हुन् ।
नवराज उप्रतीको छायांकन, नवीन घर्ती मगरको सम्पादन रहेको गीतको भिडियोमा लोकप्रिय गाययक प्रकाश सपुत, रजनी गुरुङ, लक्ष्मी थापा मगर लगायतको मुख्य भूमिका छ ।
कास्कीको घान्द्रुकका बिमल बुद्धिबहादुर परियार र आमा चीजकुमारी परियारका सुपुत्र हुन् । उनी करिब ९ वर्षदेखि काठमाडौमा रहेर लोकदोहोरी क्षेत्रमा संघर्ष गरिरहेका छन् । उनको सालैजो, कौडा, झ्यारे, पञ्चेबाजा, गुरुङ गीत, दोहोरी सबै प्रकारका गीत बजारमा आइसकेका छन् ।
उनले हालसम्म एक सय भन्दा बढी गीतमा स्वर भरिसकेको जनाए । ‘कहाँको साइनो’ लोकप्रिय बनेसँगै उनले सबै शुभचिन्तकप्रति आभार व्यक्त गरेका छन् ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
