काठमाडौं । तमु (गुरुङ) संस्कृतिमा आधारित भएर निर्माण भएको चलचित्र 'पजे गोरे' (बाजे गोरे) बेलायत र पोखरापछि काठमाडौंमा भव्य प्रदर्शन गरिएको छ ।
गत शनिबार राष्ट्रिय नाचघर जमलमा विशेष कार्यक्रमबीच तमु ह्युल छोंज धिं गुरुङ राष्ट्रिय परिषद्का निवर्तमान अध्यक्ष, वरिष्ठ समाजसेवी तथा बौद्धिक व्यक्तित्व रेशम गुरुङको प्रमुख आतिथ्यतामा पजे गोरे चलचित्र प्रदर्शन गरिएको हो । गुरुङ कल्चरमा आधारित आदिवासी जनजाति चलचित्रमा सर्वोकृष्ट अवार्ड जितेको पजे गोरे चलचित्र प्रदर्शनमा दर्शकहरुको बाक्लो उपस्थिति थियो ।
कार्यक्रममा निर्माता तथा निर्देशक गम (गोरे) गुरुङ र प्रमुख अतिथि गुरुङले सहयोग पुर्याउने विभिन्न समाजका अध्यक्ष, प्रतिनिधिहरु र विभिन्न व्यक्तिहरूलाई प्रमाणपत्र र मायाको चिनो प्रदान गरेका थिए । सम्पूर्ण संघसंस्था, समाज, समुदाय, कलाकार, पत्रकार तथा विभिन्न जनसमुदाय, आफन्तहरुको साथ र सहयोग, गरिमामय उपस्थितिप्रति चलचित्र निर्माण टिमले आभार र धन्यवाद व्यक्त गरेको छ ।
धेरै दर्शकले रूचाइएका फिल्म पजे गोरे निकट भविष्यमा चितवन, नवलपरासी, बुटवल, स्याङ्जा, दमौली, तनहुँ र पुनः पोखरामा प्रदर्शन हुने निर्माण टिमले जनाएको छ । यो फिल्म मुनाल फिल्मको ब्यानरमा निर्देशक भोज गुरुङ र गीत रचनाकार प्राध्यापक एकेन्द्र गुरुङ, संगीत स्वर तेजेन्द्र गुरुङको रहेको छ ।
चलचित्र बेलायतवासी गम गोरे गुरुङ (लेखन तथा निर्देशन), दिल घले, ज्ञाम गुरूङ र शिरी गुरुङले निर्माण गरेका हुन् ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
![धामीको चरित्र निभाउन सजिलोचाहिँ पक्कै थिएन : माओत्से गुरुङ [अन्तर्वार्ता]](https://gurkhamedia.com/uploads/posts/Messenger_creation_82D7EC6F-80A8-442C-BA30-03CBBA0D96F7-1731684941.jpeg)
