नेपालमा पुँजीगत खर्च ३२ प्रतिशतमात्रै, राजस्व संकलन पनि न्यून

मातृभूमि नेपाल

Home
मातृभूमि नेपाल
नेपालमा पुँजीगत खर्च ३२ प्रतिशतमात्रै, राजस्व संकलन पनि न्यून

नेपालमा पुँजीगत खर्च ३२ प्रतिशतमात्रै, राजस्व संकलन पनि न्यून

गोर्खा मिडिया संवाददाता शनिबार, वैशाख १, २०८१

काठमाडौँ । नेपालमा तेस्रो चौमासिकसम्म पुँजीगत खर्च न्यून भएको छ । चालु आर्थिक वर्षको नौ महिनामा ३२.२४ प्रतिशतमात्रै पुँजीगत खर्च भएको महालेखा नियन्त्रक कार्यालयले जनाएको छ ।

कार्यालयका अनुसार चालु आर्थिक वर्षमा पुँजीगततर्फ तीन खर्ब दुई अर्ब सात करोड ४४ विनियोजन भएकामा चैत मसान्तसम्म ९७ अर्ब ३७ करोड ७४ लाख रुपैयाँमात्रै खर्च भएको हो ।

चालु आवको कुल बजेट १७ खर्ब ५१ अर्ब ३१ करोड २१ लाख रुपैयाँ थियो । हालसम्मको कुल बजेट खर्च नौ अर्ब ३९ करोड १४ लाख रुपैयाँ छ ।

चालु शीर्षकमा ११ खर्ब ४१ अर्ब ७८ करोड ४१ लाख बराबर विनियोजन भएकामा हालसम्म ५६.४१ प्रतिशत खर्च भएको छ ।

बजेट खर्चमा मात्र नभई राजस्व संकलनको अवस्था पनि कमजोर देखिएको छ । चालु आवमा कुल १४ खर्ब ७२ अर्ब ४८ करोड ४७ लाख रुपैयाँ राजस्व संकलन गर्ने सरकारी लक्ष्य छ ।

नौ महिनामा वार्षिक लक्ष्यको ५२.५ प्रतिशत अर्थात् सात खर्ब ७३ अर्ब तीन करोड ६६ लाख रुपैयाँ असुली भएको छ । जसमध्ये कर राजस्वतर्फ वार्षिक लक्ष्यको ५१.४१ प्रतिशत र गैरकरतर्फ ६५.७१ प्रतिशत संकलन भएको छ ।

यस्तै, चालु आवका लागि ४९ अर्ब ९४ करोड ३० लाख रुपैयाँ बराबरको वैदेशिक अनुदान लिने सरकारी लक्ष्य रहेकामा लक्ष्यको ५.५२ प्रतिशतमात्रै अनुदान लिइएको छ ।

प्रकाशित मिति: शनिबार, वैशाख १, २०८१ २३:१२

प्रतिक्रिया दिनुहोस्