इलाम र बझाङमा हुने उपनिर्वाचनका लागि मतदाता नामावली अद्यावधिक हुँदै

मातृभूमि नेपाल

Home
मातृभूमि नेपाल
इलाम र बझाङमा हुने उपनिर्वाचनका लागि मतदाता नामावली अद्यावधिक हुँदै

इलाम र बझाङमा हुने उपनिर्वाचनका लागि मतदाता नामावली अद्यावधिक हुँदै

गोर्खा मिडिया संवाददाता बुधबार, फागुन १६, २०८०

काठमाडौँ । निर्वाचन आयोगले वैशाख १५ गते हुने उपनिर्वाचनका लागि मतदाता नामावली अद्यावधिक तथा अन्तिम नामावली प्रकाशन कार्यक्रम, २०८० स्वीकृत गरेको छ ।

कार्यक्रमअन्तर्गत चैत २२ गते अद्यावधिक गरी तयार गरिएको अन्तिम मतदाता नामावली प्रकाशन गरिने आयोगका प्रवक्ता शालिग्राम शर्मा पौडेलले जनाए । इलाम–२ को प्रतिनिधिसभा सदस्य र बझाङ (क) को प्रदेशसभा सदस्यको रिक्त पदमा उपनिर्वाचनको मिति निर्धारण भएको छ ।

आयोगले मतदाता नामावलीमा रहेका त्रुटि सच्च्याउन, दोहोरो नाम हटाउन, मृत्यु भएका वा नागरिकता त्याग गरेका मतदाताको नाम हटाउन र झुठा विवरण दिई नाम समावेश भएको भए उजुरी दिन फागुन २९ देखि चैत ५ सम्मको अवधि निर्धारण गरेको छ ।

प्राप्त निवेदन, सूचना र उजुरीउपर कानूनबमोजिम छानबिन गरी मतदाता नामावली अद्यावधिक गरिने आयोगका प्रवक्ता पौडेलद्वारा बुधबार जारी विज्ञप्तिमा जनाइएको छ ।

प्रकाशित मिति: बुधबार, फागुन १६, २०८० २१:१०

प्रतिक्रिया दिनुहोस्