लण्डन । नेपाल पत्रकार महासंघ यूके शाखाले सन् २०२३ का लागि नेपाल पत्रकार महासंघ (एफएनजे) यूके वर्ष पत्रकारिता पुरस्कार नरेश खपाङ्गीमगरलाई प्रदान गर्ने भएको छ ।
डा. बच्चुकैलाश कैनीको संयोजकत्वमा शाखाका संस्थापक अध्यक्ष नवीन पोखरेल र लक्ष्मी राई (लारा) रहेको पुरस्कार छनोट समितिको सिफारिस बमोजिम शाखाको शनिबारको बैठकले सो निर्णय गरेको हो ।
शाखाले यसअघि १ जुन २०२२ देखि मे ३१ भित्र प्रकाशित प्रसारित समाचार सामग्रीसहित पुरस्कारका लागि आवेदन गर्न वा सिफारिस गर्न सार्वजनिक सूचना जारी गरेको थियो । सोअनुसार प्राप्त सामग्रीका आधारमा समितिले पुरस्कृत व्यक्तिको सिफारिस गरेको थियो ।
खपाङ्गीमगरलाई गोरखापत्र दैनिकमा अप्रिल ८, २०२३ प्रकाशित ‘बेलायतमा नेपाली’ शीर्षकको फिचरका लागि सो पुरस्कार प्रदान गरिएको हो । नेपाल पत्रकार महासंघ यूकेका संस्थापक सदस्य तथा पूर्व अध्यक्ष खपाङ्गीमगर
बेलायतबाट प्रकाशन हुँदै आएको वीनेपाली डटकमको सम्पादक हुन् ।
उनले त्रिभुवन विश्वविद्यालयबाट आमसञ्चार तथा पत्रकारितामा र किंग्स कलेज लण्डनबाट ग्लोबल अफेयर्समा स्नातकोत्तर गरेका छन् ।
२०५९ सालदेखि पत्रकारितामा प्रवेश गरेका उनी १२ वर्षदेखि बेलायतमा बसोबास गर्दै आएका छन् । उनले दृष्टि साप्ताहिक, राष्ट्रियपथ साप्ताहिक, गोरखापत्र दैनिक, गोरखा सैनिक आवाज मासिक, सगरमाथा टेलिभिजन, युरोपको नेपाली पत्र साप्ताहिक, एभरेष्ट टाइम्स साप्ताहिक, नेपाली सन्देश साप्ताहिक लगायतका सञ्चारमाध्यममा काम गरिसकेका छन् ।
बेलायतमा कार्यरत नेपाली पत्रकारहरुलाई विस्तृत र खोजमूलक पत्रकारितामा लाग्न प्रोत्साहन गर्ने उद्देश्यले शाखाले सो पुरस्कारको स्थापना गरेको हो । हरेक वर्ष प्रदान गरिने सो पुरस्कारको राशि ५०२ पाउण्ड र प्रमाणपत्र छ ।
यसअघि सो पुरस्कार श्रीभक्त खनाल, नवीन पोखरेल र खेमराज रानाभाटले पाइसकेका छन् ।
पुरस्कार शाखाको आइतबार अल्डरसटमा आयोजित १२ औँ वार्षिकोत्सव तथा च्यारिटी नाइटमा वितरण गरिने जनाइएको छ ।
-1732408259.jpg)
-1732504368.jpg)
-1732095969.jpg)
-1732506431.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
