तुल्सीकुमार गुरूङद्वारा ‘स्पेसियल अवार्ड’मा प्राप्त रकम सहारा र एलजीलाई प्रदान

खेलकुद

Home
खेलकुद
तुल्सीकुमार गुरूङद्वारा ‘स्पेसियल अवार्ड’मा प्राप्त रकम सहारा र एलजीलाई प्रदान

तुल्सीकुमार गुरूङद्वारा ‘स्पेसियल अवार्ड’मा प्राप्त रकम सहारा र एलजीलाई प्रदान

गोर्खा मिडिया संवाददाता शुक्रबार, पुस २५, २०८२

तस्बिर : सुदर्शन रञ्जित

पोखरा । २२औं एनएसजेएफ पल्सर स्पोर्ट्स अवार्ड २०८१ मा स्पेसियल अवार्डबाट सम्मानित तुल्सीकुमार गुरूङले आफूले प्राप्त गरेको पुरस्कार रकम पोखराका दुई वटा क्लबलाई प्रदान गरेका छन् ।

हङकङलाई कर्मथलो बनाउँदै आएका नेपालका एक मात्र तेक्वान्दो नवौं डान प्राप्त गुरूङले अवार्डबाट प्राप्त नगद १ लाख रुपैयाँ दुई क्लबलाई बिहीबार एक कार्यक्रमबीच हस्तान्तरण गरे । उनले सहारा क्लबको आसन्न २५औं आहा रारा पेाखरा गोल्डकपका लागि नगद ५० हजार रुपैयाँ आयोजक सहारा क्लबका अध्यक्ष केशवबहादुर थापा र पहिलो पटक लिगमा प्रतिनिधित्व गर्न सफल एलजी एसोसिएसनका अध्यक्ष डम्बरजङ गुरूङलाई नगद ५० हजार रुपैयाँ हस्तान्तरण गरेका हुन् ।

रकम हस्तान्तरण गर्दै स्पेसियल अवार्डबाट सम्मानित समाजसेवी गुरूङले पोखराको फुटबल विकासमा दुवै क्लबहरुको योगदान महत्वपूर्ण रहेकोले थप उत्साह जगाउन आफूले सो रकम प्रदान गरेको जनाए ।

कार्यक्रममा सहारा क्लबका अध्यक्ष थापा र एलजीका अध्यक्ष गुरूङले सहयोगका लागि आभार व्यक्त गरे । सो अवसरमा सहारा क्लबका सल्लाहकार सुनिल गुरूङ, सहारा क्लबका पूर्वअध्यक्ष बिक्रम थकाली, गण्डकी प्रदेश फुटबल संघका महासचिव विनोद गुरूङ, सहारा क्लबका वरिष्ठ उपाध्यक्ष पूर्णबहादुर गुरूङ, एलजी एशोसिएसनका प्रमुख प्रशिक्षक किरण श्रेष्ठलगायतको सहभागिता रहेको थियो ।