तमु धीं यूकेद्वारा रेखमाया गुरूङ र सिभाली गुरूङलाई 'तमु प्रतिभा पुरस्कार-२०२५' दिने घोषणा

खेलकुद

Home
खेलकुद
तमु धीं यूकेद्वारा रेखमाया गुरूङ र सिभाली गुरूङलाई 'तमु प्रतिभा पुरस्कार-२०२५' दिने घोषणा

तमु धीं यूकेद्वारा रेखमाया गुरूङ र सिभाली गुरूङलाई 'तमु प्रतिभा पुरस्कार-२०२५' दिने घोषणा

गोर्खा मिडिया संवाददाता आइतबार, पुस १३, २०८२

लन्डन । तमु धीं यूकेले तेक्वान्दो खेलाडी रेखमाया गुरूङ र टेनिसकी उदीयमान खेलाडी सिभाली गुरूङलाई 'तमु प्रतिभा पुरस्कार २०२५'बाट सम्मान गर्ने घोषणा गरेको छ ।

शनिबार २७ डिसेम्बरमा अल्डरसटमा आयोजित ल्होछार कार्यक्रममा रेखमाया र सिभालीलाई तमु धीं यूकेले गत वर्षदेखि प्रदान गर्दै आएको जनही ५० हजार राशिको तमु प्रतिभा पुरस्कार प्रदान गर्ने घोषणा गरिएको हो । तेक्वान्दो क्षेत्रमा लामो समयदेखि सक्रिय रेखमाया गण्डकी प्रदेश खेलकुद परिषद्की सदस्य समेत हुन् । उनी हाल पोखरामा एब्सोल्युट तेक्वान्दो सञ्चालन गर्दै खेलाडी उत्पादनमा योगदान दिइरहेकी छन् ।

राष्ट्रिय तथा अन्तर्राष्ट्रिय प्रतियोगितामा सहभागिता जनाइसकेकी रेखमायालाई तेक्वान्दो क्षेत्रमा निरन्तर योगदान पुर्‍याएको कदरस्वरूप यो सम्मान प्रदान गर्न लागिएको तमु धीं यूकेले जनाएको छ ।

त्यसैगरी, १४ वर्षीया टेनिस खेलाडी शिभाली नेपाली टेनिसकी उदीयमान प्रतिभा हुन् । शिवाली आगामी जनवरी २०२६ मा अस्ट्रेलियामा आयोजना हुने एलिट अस्ट्रेयिन ओपन प्रतियोगितामा सहभागिता जनाउने पहिलो नेपाली खेलाडीसमेत हुन । कम उमेरमै अन्तर्राष्ट्रियस्तरमा प्रतिस्पर्धासँगै नेपाली टेनिसमा उनले लगातार प्राप्त गरेको उनको उपलब्धिलाई उच्च मूल्याङ्कन गर्दै तमु धीं यूकेले सम्मान गर्ने निर्णय गरेको हो । उनले हालै पोखरामा सम्पन्न आइटिएफ जे३० मा दोहोरो स्वर्ण जित्दै च्याम्पियन भएकी थिइन् ।

तमु धीं यूकेले नेपाली खेलकुद, कला र संस्कृतिमा योगदान पुर्‍याउने प्रतिभाहरूलाई प्रोत्साहन गर्ने उद्देश्यले स्थापित पुरस्कार गत वर्ष राष्ट्रिय कराते खेलाडी एरिका गुरुङ (धादिङ) र प्यारा ग्लाइडर युकेश गुरुङ (कास्की) लाई प्रदान गरेको थियो ।

प्रकाशित मिति: आइतबार, पुस १३, २०८२ १५:२०

प्रतिक्रिया दिनुहोस्