गोर्खा कपका लागि लन्डन आइपुगिन् साम्बा

खेलकुद

Home
खेलकुद
गोर्खा कपका लागि लन्डन आइपुगिन् साम्बा

गोर्खा कपका लागि लन्डन आइपुगिन् साम्बा

गोर्खा मिडिया संवाददाता बिहीबार, जेठ ८, २०८२

तस्बिर : आश गुरुङ

लन्डन । यस वर्षको गोर्खा कपको विशेष आकर्षण रहेकी नेपाली राष्ट्रिय महिला फुटबल खेलाडी सावित्रा भण्डारी साम्बा बिहीबार बेलुका लन्डन आइपुगेकी छन् । उनलाई हिथ्रो एयरपोर्टमा तमुधीं यूकेका अध्यक्ष जुमकाजी गुरूङ, उपाध्यक्ष कमल गुरुङ, सचिव विमल गुरुङ, खेल सचिव दीपक घले, पूर्वखेल सचिव देव घले, तमूधीं यूके आमा समूह अध्यक्ष कमलादेवी गुरुङ, तमुधीं यूके सल्लाहकार तथा एनआरएनए आईसीसी सदस्य दिलरास गुरुङ, सहारा यूके अध्यक्ष कृष्ण गुरुङ, निवर्तमान अध्यक्ष ले.रि कुसाङ गुरुङ, सदस्य अजयजङ थापा, साम्बाका नातेदार नारायण भण्डारीलगायतले स्वागत गरेका थिए ।

फ्रान्समा व्यावसायिक फुटबल खेलिरहेकी साम्बा फ्रान्सबाट सिधै हिथ्रो विमानस्थल उत्रिएकी हुन् । साम्बालाई फ्रान्सबाट लन्डन ल्याउन तथा लन्डनमा खान बस्नको प्रायोजन पिपल ग्रुप र यसका प्रोप्राइटर सूर्य गुरुङले गरेका छन् । पिपल ग्रुपले बेलायतमा पिपल रियल स्टेट, पिपल मर्गेज, पिपल एकाउन्टिङ सञ्चालन गरिरहेको छ ।

साम्बा आइतबार अल्डरसटस्थित क्विन्स एभिन्यू फुटबल ग्राउन्डमा हुने गोर्खा कपमा सहभागी हुनेछिन् । उनी लन्डनबाट मंगलबार बैंकक प्रस्थान गर्नेछिन् । बैंककमा नेपाली राष्ट्रिय महिला टोलीले थाइल्यान्डसँग दुई मैत्रीपूर्ण खेल खेल्नेछ ।