आठौं अल्डरसट भलिबल टुर्नामेन्ट आगामी जुन ७ मा

खेलकुद

Home
खेलकुद
आठौं अल्डरसट भलिबल टुर्नामेन्ट आगामी जुन ७ मा

आठौं अल्डरसट भलिबल टुर्नामेन्ट आगामी जुन ७ मा

गोर्खा मिडिया संवाददाता आइतबार, वैशाख १४, २०८२

लन्डन । आठौं अल्डरसट भलिबल टुर्नामेन्ट २०२५ आगामी जुन ७ तारिखमा हुने भएको छ । अल्डरसट भलिबल क्लबको आयोजनामा हुने प्रतियोगिता ७ जुनमा वेलेस्ले स्पोर्ट्स् ग्राउन्डमा हुन भएको हो । प्रतियोगितामा पुरुष र महिला विधामा प्रतिस्पर्धा हुने छ ।

पुरुषतर्फको प्रथम पुरस्कार १६ सय पाउन्ड र दोस्रो पुरस्कार ११ सय पाउन्ड दिइने छ । आयोजकका अनुसार वेस्ट प्लेयर, वेस्ट डिफेन्स, वेस्ट लिफ्टर, वेस्ट ब्लकर र वेस्ट स्पाइकसमेत घोषणा गरिने छ ।

यस्तै लेडिजतर्फ प्रथम पुरस्कार ९ सय पाउन्ड र दोस्रो पुरस्कार ५ सय ५० पाउन्ड रहेको छ । यस विधामा वेस्ट प्लेयर छानिने छ ।

पुरुष विधामा १६ टिम र महिलामा ८ टिममात्रै सहभागी गराइने छ । टिम दर्तामा पुरुषको २ सय र महिलातर्फ १ सय ५० पाउन्ड रहेको छ । खेल समय बिहान ८ देखि राति ८ बजेसम्म तोकिएको छ ।

कार्यक्रममा म:म स्टेसनको फुड स्टल राखिने छ । थप आकर्षणको रुपमा बागलुङ नौमती बाजा रहेको छ ।

प्रकाशित मिति: आइतबार, वैशाख १४, २०८२ १४:५१

प्रतिक्रिया दिनुहोस्