लिम्बु र शेर्माले जिते गोर्खा ट्रेल ब्लेजर रनकाे उपाधि

खेलकुद

Home
खेलकुद
लिम्बु र शेर्माले जिते गोर्खा ट्रेल ब्लेजर रनकाे उपाधि

लिम्बु र शेर्माले जिते गोर्खा ट्रेल ब्लेजर रनकाे उपाधि

गोर्खा मिडिया संवाददाता शनिबार, चैत २, २०८१

काठमाडौं । धरानमा सम्पन्न तेस्रो गोर्खा ट्रेल ब्लेजर १० किलोमिटर खुला दौडकाे उपाधि पुरुषतर्फ तेह्रथुमका सुरज लिम्बु र महिलामा पाँचथरकी पुष्पा शेर्माले जितेका छन् ।

गोर्खा सिमेष्ट्रिज ट्रष्ट नेपालको आयोजना र धरान–१८ वडा कार्यालयको संयोजन तथा धरान उपमहानगरपालिकाको सहयोगमा शनिबार भएको दौड प्रतियोगितामा लिम्बुले ३४ मिनट ४५ सेकेन्डमा उक्त दुरी पूरा गरेका थिए । शेर्माले ४५ मिनट ३४ सेकेन्डमा पूरा गरिन् ।

पुरुषतर्फ ओशन राई दोस्रो र स्काई लिम्बु तेस्रो भए । महिलातर्फ दिपा बस्नेत दोस्रो र इन्द्रकला नेम्वाङ निक्की तेस्रो भइन् । विजेता, उपविजेता र तेस्रोले क्रमश: नगद २० हजार, १० हजार र पाँच हजार रुपैयाँ पुरस्कार पाए ।

विजेताले हङकङमा सन् २०२६ मा हुने गोर्खा ट्रेल रनमा भाग लिन पाउनेछन् ।

प्रकाशित मिति: शनिबार, चैत २, २०८१ १५:२३

प्रतिक्रिया दिनुहोस्