सहारासँग सहप्रायोजकका रूपमा जोडियो ‘जयश्री फुड्स’

खेलकुद

Home
खेलकुद
सहारासँग सहप्रायोजकका रूपमा जोडियो ‘जयश्री फुड्स’

सहारासँग सहप्रायोजकका रूपमा जोडियो ‘जयश्री फुड्स’

गोर्खा मिडिया संवाददाता शनिबार, पुस २७, २०८१

पोखरा । सहारा क्लबसँग सह प्रायोजकको रूपमा जयश्री फुड्स प्रालि जोडिएको छ । २४औँ संस्करणको आहा रारा पोखरा गोल्डकपको पूर्वसन्ध्यामा क्लबले जयश्री फुड्ससँग सहप्रायोजकको रूपमा शनिबार सम्झौता गरेको हो ।

सम्झौता एक वर्षका लागि गरिएको क्लबका अध्यक्ष केशव बरालले जानकारी दिए । सहकार्य निरन्तरता रहने प्रतिबद्धता जनाउँदै जयश्री फुड्सका जनरल म्यानेजर अमित अग्रवालले क्लबसँग जोडिदा आफ्नो व्यवसायको पनि प्रवर्द्धन हुने विश्वास व्यक्त गरे । सम्झौता अनुसार जयश्री फुड्सले ५ लाख रुपैयाँ सहयोग गर्ने छ ।

‘एकेडेमीका बच्चाहरूको भविष्यको लागि हाम्रो तर्फबाट अझै सहयोग गर्न हामी अग्रसर रहन्छौँ,’ जनरल म्यानेजर अग्रवालले भने । जयश्रीले च्यारिटी संस्थामार्फत सामाजिक सेवा गर्दै आए पनि फुटबलसँग पहिलो पटक जोडिएको उनको भनाइ छ ।

क्लबले माघ २२ देखि फुटबल प्रतियोगिता आयोजना गर्दै छ । प्रतियोगितामा सहभागिताका लागि ए डिभिजनका क्लब, जापान, युकेको ब्रिगेड ब्वाइज क्लब र भारतीय सर्भिस टिमसँग छलफल भइरहेको क्लबले जनाएको छ ।

सहारा क्लबको फुटबल प्रतियोगितालाई हिमश्री फुड्स प्रालिको उत्पादन आहा रारा चाउचाउले मुख्य प्रायोजन गर्दै आएको छ ।

प्रकाशित मिति: शनिबार, पुस २७, २०८१ १७:२८

प्रतिक्रिया दिनुहोस्