नेपालकी एरिका गुरुङले जितिन् एसियन कराँतेमा ऐतिहासिक रजत

खेलकुद

Home
खेलकुद
नेपालकी एरिका गुरुङले जितिन् एसियन कराँतेमा ऐतिहासिक रजत

नेपालकी एरिका गुरुङले जितिन् एसियन कराँतेमा ऐतिहासिक रजत

गोर्खा मिडिया संवाददाता आइतबार, असोज ६, २०८१

काठमाडौँ । नेपालकी एरिका गुरुङ २०औँ एसियन सिनियर कराँते च्याम्पियनसिपमा ऐतिहासिक रजत पदक जित्न सफल भएकी छन् ।

आइतबार चीनको हाङ्जाउमा सम्पन्न ६८ किलो माथिको तौल समूहको फाइनल खेलमा एरिका भियतनामकी नाओन थि नुयेनसँग ६–० ले पराजित भइन् । यसअघि सेमिफाइनलमा उनले थाइल्याण्डकी केवलिन सोङगलिनलाई ८–० ले हराएकी थिइन् ।

यस्तै, उनले प्रि–क्वाटरफाइनलमा फिलिपिन्स र क्वाटरफाइनलमा कजाकिस्तानका खेलाडीलाई पराजित गरेकी थिइन् ।

एसियन कराँते फेडरेसनले आयोजना गरेको एसियन च्याम्पियनसिपमा एरिकाले प्राप्त गरेको रजत पदक नै नेपालका लागि पहिलो हो । अहिलेसम्म कुनै पनि नेपाली खेलाडीले एसियन सिनियर कराँते च्याम्पियनसिपमा पदक जित्न सकेका छैनन् ।

गत वर्ष चीनमा भएको १९औं एसियाली खेलकुदमा पनि एरिकाले एतिहासिक रजत पदक जितेकी थिइन्। एसियाडमा करातेमा रजत पदक जित्ने पनि उनी पहिलो नेपाली खेलाडी हुन्।

प्रकाशित मिति: आइतबार, असोज ६, २०८१ २१:१७

प्रतिक्रिया दिनुहोस्